عشقِ رسولﷺ

دل کو سُکوں چمن میں ہے نہ لالہ زار میں

سوز و گداز ہے فقط ان کے دیار میں

اک بار پھر مدینے عطّار جا رہے ہیں

آقا مدینے والے در پہ بلا رہے ہیں

جو سینے کو مدینہ اُن کی یادوں سے بناتے ہیں

وہی تو زندگانی کا حقیقی لُطف اٹھاتے ہیں

ہے کبھی دُرود و سلام تو، کبھی نعت لب پہ سجی رہی

غمِ ہجر میں کبھی رو پڑا، کبھی حاضری کی خوشی رہی

جس کو چاہا میٹھے مدینے کا اس کو مہمان کیا

جس پر نظرِ کرم فرمائی اس پر یہ احسان کیا

اے کاش! پھر مدینے میں عطّار جاسکے

رو رو کے حال شاہ کو اپنا سنا سکے

جدھر دیکھوں مدینے کا حرم ہو

کرم ایسا شہنشاہِ اُمَم ہو

غم کے ماروں پر کرم اے دو جہاں کے تاجدار

اپنے غم میں اپنی الفت میں رُلاؤ زار زار

پھر مدینے کی گلیوں میں اے کردگار

کاش پہنچوں میں روتا ہوا زار زار

یانبی مجھ کو مدینے میں بُلانا بار بار

بار بار آؤں بنے آخِر مدینے میں مزار

رُوسیاہوں پر کرم اے دو جہاں کے تاجدار!

اپنے غم میں اپنی الفت میں رُلاؤ زار زار

مٹتے ہیں جہاں بھر کے آلام مدینے میں

بگڑے ہوئے بنتے ہیں سب کام مدینے میں