اک بار پھر مدینے عطار جا رہے ہیں
Ak Baar Phir Madine Attar Ja Rahe Hain
اک بار پھر مدینے عطّار جا رہے ہیں
آقا مدینے والے در پہ بلا رہے ہیں
قسمت کو اس تصوّر سے وَجد آرہے ہیں
رحمت کی بھیک دینے آقا بلا رہے ہیں
وہ فیض کا خزانہ ہر دم لُٹا رہے ہیں
انوار ہر طرف ہی طیبہ میں چھا رہے ہیں
جو کوئی ان کے غم میں آنسو بہا رہے ہیں
جینے کا لُطف ایسے عُشّاق پا رہے ہیں
جس دم مدینے آئیں روئیں پچھاڑیں کھائیں
ہم مانگ تم سے آقا ایسی ادا رہے ہیں
حُسنِ عمل ہمارے پلّے میں کچھ نہیں ہے
آہوں کی آنسوؤں کی سوغات لا رہے ہیں
منظر ہے روح پرور روضے کی جالیوں پر
عُشّاق آنسوؤں کے موتی لُٹا رہے ہیں
آقا! بہیں یہ آنکھیں بس آپ ہی کے غم میں
ہائے ہمیں زمانے کے غم رُلا رہے ہیں
اِذنِ خدا سے ہو تم مختارِ ہر دو عالَم
دونوں جہاں تمہاری خیرات کھا رہے ہیں
دستور ہے کہ جس کا کھانا اُسی کا گانا
ہم جس کا کھا رہے ہیں گیت اُس کے گا رہے ہیں
مسکن بنے مدینہ مدفن بنے مدینہ
احمد رضا کا تم کو دے واسطہ رہے ہیں
آقا! بلاؤ اُن کو بے چین مُضطَرِب جو
دل کو جلا رہے ہیں آنسو بہا رہے ہیں
جن کا نہ بھاؤ کوئی دنیا میں پوچھتا ہو
سینے سے ان کو آقا اپنے لگا رہے ہیں
اُمّت کے حال سے وہ آگاہ ہر گھڑی ہیں
خوابوں میں آرہے ہیں بگڑی بنا رہے ہیں
دنیا کے غم نے مارا، اللہ دو سہارا
سرکار! ٹھوکریں ہم در در کی کھا رہے ہیں
اب گِھر چکی ہے آقا طوفاں میں اپنی نیّا
اے ناخدا سہارا مانگ آپ کا رہے ہیں
اے آمنہ کے دِلبر نظرِ کرم ہو ہم پر
ابرِ سیاہ دل پر عصیاں کے چھا رہے ہیں
چشمِ کرم ہو جاناں سُوئے گناہگاراں
سرکار! نفس و شیطاں ہر دم دبا رہے ہیں
اُن سب مُبلّغوں کے خوابوں میں اب کرم ہو
آقا جو سُنّتوں کی خدمت بجا رہے ہیں
پروردگارِ عالی دے جذبہِ غزالی
کر ہم کو خوش خصالی کر یہ دعا رہے ہیں
بیماریِ گنہ سے ہم کو شِفا دے یاربّ
بن جائیں نیک ہم سب کر اِلتجا رہے ہیں
دولت کی حرص دل سے اللہی! دور کر دے
عشقِ رسول دے دے کر یہ دعا رہے ہیں
تکثِیرِ مال و زر کی ہرگز نہیں تمنّا
ہم مانگ آپ سے بس غم آپ کا رہے ہیں
رُخصت کی اب گھڑی ہے سر پر اجل کھڑی ہے
آجاؤ اب خُدارا ہم جاں سے جا رہے ہیں
اب لحد میں عزیزو! جلدی اتار بھی دو
آہا! وہ مسکراتے تشریف لا رہے ہیں
فریاد جانِ عالَم! کوئی نہیں ہے ہمدم
سُوئے سَقَر فرشتے لیکر کے جا رہے ہیں
قربان روزِ محشر دامن کا پردہ ڈھک کر
عیبوں کو میرے سرور خود ہی چھپا رہے ہیں
محشر میں بندہ پرور لُطف و کرم کے پیکر
بھر بھر کے جامِ کوثر ہم کو پلا رہے ہیں
بَہرِ بلال ہم کو سوزِ بلال دے دو
یہ عرض لے کر آقا عطّار آ رہے ہیں
ان کے کرم کے صدقے فضل و کرم سے ان کے
عطّار پیچھے پیچھے جنّت میں جا رہے ہیں
Ak baar phir Madine Attar jaa rahe hain
Aqa Madine waale dar pe bula rahe hain
Qismat ko is tasawwur se wajd aa rahe hain
Rahmat ki bheek dene Aqa bula rahe hain
Woh faiz ka khazana har dam luta rahe hain
Anwaar har taraf hi Taiba mein chha rahe hain
Jo koi un ke gham mein aansoo baha rahe hain
Jeene ka lutf aise ush-shaq paa rahe hain
Jis dam Madine aayein royein pachhaadein khaayein
Hum maang tum se Aqa aisi ada rahe hain
Husn-e-amal hamare palle mein kuch nahin hai
Aahon ki aansuwon ki saughaat laa rahe hain
Manzar hai rooh-parwar rauza ki jaaliyon par
Ush-shaq aansuwon ke moti luta rahe hain
Aqa! bahein yeh aankhein bas aap hi ke gham mein
Haaye hamein zamaane ke gham rula rahe hain
Izn-e-Khuda se ho tum mukhtar-e-har-do-aalam
Donon jahan tumhari khairaat khaa rahe hain
Dastoor hai ke jis ka khaana usi ka gaana
Hum jis ka khaa rahe hain geet us ke gaa rahe hain
Maskan bane Madina madfan bane Madina
Ahmad Raza ka tum ko de waasta rahe hain
Aqa! bulao un ko be-chain-o-muztarib jo
Dil ko jala rahe hain aansoo baha rahe hain
Jin ka na bhao koi duniya mein poochhta ho
Seene se un ko Aqa apne laga rahe hain
Ummat ke haal se woh aagah har ghadi hain
Khwabon mein aa rahe hain bigdi bana rahe hain
Duniya ke gham ne maara, Allah do sahara
Sarkar! thokrein hum dar-dar ki khaa rahe hain
Ab ghir chuki hai Aqa toofan mein apni naiyya
Ae naakhuda sahara maang aap ka rahe hain
Ae Aamina ke dilbar nazar-e-karam ho hum par
Abr-e-siyah dil par isyan ke chha rahe hain
Chashm-e-karam ho jaanan soo-e-gunah-gaaran
Sarkar! nafs-o-shaitan har dam daba rahe hain
Un sab muballighon ke khwabon mein ab karam ho
Aqa jo sunnaton ki khidmat baja rahe hain
Parwardigar-e-Aali de jazba-e-Ghazali
Kar hum ko khush-khisaali kar yeh dua rahe hain
Beemari-e-gunah se hum ko shifa de Ya Rabb
Ban jaayein nek hum sab kar iltija rahe hain
Daulat ki hirs dil se Allahi! door kar de
Ishq-e-Rasool de de kar yeh dua rahe hain
Takseer-e-maal-o-zar ki hargiz nahin tamanna
Hum maang aap se bas gham aap ka rahe hain
Rukhsat ki ab ghadi hai sar par ajal khadi hai
Aajaao ab Khudara hum jaan se jaa rahe hain
Ab lehad mein azizo! jaldi utaar bhi do
Aaha! woh muskuraate tashreef laa rahe hain
Faryaad jaan-e-aalam! koi nahin hai humdam
Soo-e-Saqar farishte lekar ke jaa rahe hain
Qurbaan roz-e-mahshar daaman ka parda dhak kar
Aibon ko mere Sarwar khud hi chhipa rahe hain
Mahshar mein banda-parwar lutf-o-karam ke paikar
Bhar bhar ke jaam-e-kausar hum ko pila rahe hain
Bahr-e-Bilal hum ko soz-e-Bilal de do
Yeh arz le kar Aqa Attar aa rahe hain
Un ke karam ke sadqe fazl-o-karam se un ke
Attar peechhe peechhe jannat mein jaa rahe hain
علامہ محمد الیاس قادری عطاری
امیرِ اہل سنت حضرت علامہ مولانا محمد الیاس عطار قادری بین الاقوامی اسلامی تحریک دعوتِ اسلامی کے بانی ہیں۔ آپ کے نعتیہ و مناجات کے کلام میں بے پناہ سوز و گداز اور عشقِ رسولؐ...