اب کرم یا مصطفیٰ فرمائیے

Ab karam ya Mustafa farmaiye

Izn-e-Taiba ka ata farmaiye

Ya Habib-e-Kibriya Hajj ka sharaf

Ab ata ik martaba farmaiye

Haazri ki ab sa'adat paaun main

Kuchh karam aisa shaha farmaiye

Khwaab mein aa kar ke kuchh sheereen kalaam

Meethe meethe Mustafa farmaiye

Jin pe sadqe jaayein sab jannat ke phool

Un labon ko ab to waa farmaiye

Ya Rasul Allah meri maghfirat

Ho Khuda se ye dua farmaiye

Istiqamat deen par hum ko ata

Az pey Ghaus-o-Raza farmaiye

Hum kab talak tarpein aseeraan-e-qafas

Qaid-e-gham se ab riha farmaiye

Aap ki ulfat mein ho rona naseeb

Mujh ko chashm-e-nam ata farmaiye

Door pyaare Mustafa ranj-o-bala

Bahar-e-Shah-e-Karbala farmaiye

Aap ke qadmon mein ho jaaun shaheed

Kuchh sabab aisa shaha farmaiye

Mujh ko lillah ik chhalakta saaqiya

Jaam-e-Kausar ka ata farmaiye

Apne aasi ki shafa'at hashr mein

Shaafi-e-roz-e-jaza farmaiye

Madani burqa pehnein sab behnein, karam

Fatima ka waasta farmaiye

Mah-e-Milad aa gaya ghar ghar par ab

Nasb parcham sab hara farmaiye

Eid-e-Milad-un-Nabi phir aa gayi

Shukr ka sajda ada farmaiye

Eid aayi Eid, eidon ki bhi Eid

Uthiye samaan jashn ka farmaiye

Jhoom kar saare khushi se baar baar

"Marhaba ya Mustafa" farmaiye

"Ya Rasul Allah" kahiye zor se

Shaq jigar Iblees ka farmaiye

Gumbad-e-Khizra ke jalwe hon naseeb

Ye karam ya Mustafa farmaiye

Dijiye dard-e-Madina dijiye

Ye karam ya Mustafa farmaiye

Mera seena ho Madina ya Nabi

Ye karam ya Mustafa farmaiye

Dijiye soz-e-Raza soz-e-Zia

Ye karam ya Mustafa farmaiye

Ne'mat-e-akhlaaq kar deeje ata

Ye karam ya Mustafa farmaiye

Gheebat-o-chughli ki aafat se bachein

Ye karam ya Mustafa farmaiye

Hum riyakari se bachte hi rahein

Ye karam ya Mustafa farmaiye

Nafs-o-shaitan ki shararat door ho

Ye karam ya Mustafa farmaiye

Dam labon par aa gaya Attar ka

Ab qadam ranja shaha! farmaiye