غمِ فرقت دل عُشاق کو بے حد رُلاتا ہے
Gham-e-Furqat Dil Ushshaq ko Behad Rulata Hai
غمِ فرقت دلِ عشاق کو بے حد رلاتا ہے
تڑپ اٹھتے ہیں جب ان کو مدینہ یاد آتا ہے
مجھے اس کے مقدر پر بڑا ہی رشک آتا ہے
مدینے کی طرف کوئی مسافر جب بھی جاتا ہے
مجھے اس وقت دیوانے پہ بے حد پیار آتا ہے
غمِ ہجرِ مدینہ میں وہ جب آنسو بہاتا ہے
یہ بیمارِ مدینہ ہے طبیبو! تم نہ سمجھو گے
تڑپتا ہے اسے جس دم مدینہ یاد آتا ہے
دکھا دو سبز گنبد کی بہاریں یارسول الله
نہ جانے کب مدینے کا بلاوا مجھ کو آتا ہے
مدد سرکار فرماتے ہیں دیوانہ اگر کوئی
تڑپ کر یارسول الله کا نعرہ لگاتا ہے
عطا کر دو عطا کر دو بقیعِ پاک میں مدفن
مجھے گورِ غریبانِ وطن سے خوف آتا ہے
نہیں ہے چاند سورج کی مدینے کو کوئی حاجت
وہاں دن رات ان کا سبز گنبد جگمگاتا ہے
حکومت کی طلب دل میں، نہ خواہش تاجِ شاہی کی
نظر میں عاشقوں کے بس مدینہ ہی سماتا ہے
سخاوت تیرے گھر کی ہے عنایت تیرے گھر کی ہے
ترے در کا سوالی جھولیاں بھر بھر کے لاتا ہے
عبادت ہو تو ایسی ہو، تلاوت ہو تو ایسی ہو
سرِ شبیرؑ تو نیزے پہ بھی قرآں سناتا ہے
برستی ہے خدا کی اس پہ رحمت جھوم کر عطار
غمِ محبوب میں جو کوئی دو آنسو بہاتا ہے
Gham-e-furqat dil-e-ushshaq ko behad rulaata hai
Tadap utthte hain jab un ko Madina yaad aata hai
Mujhe us ke muqaddar par bada hi rashk aata hai
Madine ki taraf koi musafir jab bhi jaata hai
Mujhe us waqt deewane pe behad pyaar aata hai
Gham-e-hijr-e-Madina mein woh jab aansoo bahaata hai
Yeh beemar-e-Madina hai tabeebo! tum na samjhoge
Tadapta hai usey jis dam Madina yaad aata hai
Dikha do sabz gumbad ki bahaarein Ya Rasul Allah
Na jaane kab Madine ka bulawa mujh ko aata hai
Madad sarkar farmaate hain deewaana agar koi
Tadap kar Ya Rasul Allah ka naara lagaata hai
Ata kar do ata kar do Baqee-e-Paak mein madfan
Mujhe gor-e-ghareebaan-e-watan se khauf aata hai
Nahi hai chaand sooraj ki Madine ko koi haajat
Wahan din raat un ka sabz gumbad jagmagaata hai
Hukoomat ki talab dil mein, na khwahish taaj-e-shahi ki
Nazar mein aashiqon ke bas Madina hi samaata hai
Sakhaawat tere ghar ki hai inayat tere ghar ki hai
Tere dar ka sawaali jholiyan bhar bhar ke laata hai
Ibaadat ho to aisi ho, tilawat ho to aisi ho
Sar-e-Shabbir to neze pe bhi Quran sunaata hai
Barasti hai Khuda ki us pe rahmat jhoom kar Attar
Gham-e-mehboob mein jo koi do aansoo bahaata hai
علامہ محمد الیاس قادری عطاری
امیرِ اہل سنت حضرت علامہ مولانا محمد الیاس عطار قادری بین الاقوامی اسلامی تحریک دعوتِ اسلامی کے بانی ہیں۔ آپ کے نعتیہ و مناجات کے کلام میں بے پناہ سوز و گداز اور عشقِ رسولؐ...