آج ہے جشنِ ولادت مرحبا یا مصطفےٰ

Aaj hai jashn-e-wiladat Marhaba Ya Mustafa

Aaj aaye Jaan-e-Rahmat Marhaba Ya Mustafa

Marhaba Meer-e-Risaalat Marhaba Ya Mustafa

Marhaba Maah-e-Nabuwwat Marhaba Ya Mustafa

Aamad-e-Shah-e-Madina marhaba sad marhaba

Marhaba ae Jaan-e-Rahmat Marhaba Ya Mustafa

Marhaba Aaqa ki aamad marhaba Noor-e-Khuda

Ho gayi kaafoor zulmat Marhaba Ya Mustafa

Aaj dunya mein wiladat Mustafa ki ho gayi

Khoob chamki apni qismat Marhaba Ya Mustafa

Kaaba sajde ko jhuka but saare oondhe gir pare

Aa gayi shaitan ki shaamat Marhaba Ya Mustafa

Aa gaye Sarkar har soo baarish-e-anwaar hai

Jhoomte hain abr-e-rahmat Marhaba Ya Mustafa

Chaar soo hain rahmatoon ki kya chhama-chham baarishein!

Aaye lamhaat-e-masarrat Marhaba Ya Mustafa

Marhaba ki dhoom machaao sab pukaro marhaba

Jhoom kar ahl-e-mohabbat Marhaba Ya Mustafa

Aaj ghar ghar roshni hai sabz parcham hain buland

Jhoomte hain ahl-e-sunnat Marhaba Ya Mustafa

Eid-e-Milad-un-Nabi to Eid ki bhi Eid hai

Shaadmaan hai khud masarrat Marhaba Ya Mustafa

Jashn-e-Milad-un-Nabi ki dhoom hai chaaron taraf

Mast hain ahl-e-mohabbat Marhaba Ya Mustafa

Khoob gaati theen taraane daf baja kar bachhiyaan

Har taraf kehti thi khalqat Marhaba Ya Mustafa

Aa gayi utho sawaari Aamina ke laal ki

Un se maango un ki ulfat Marhaba Ya Mustafa

Le ke kashkol ae faqiro Aamina ke ghar chalo

Maang lo jo chaaho naimat Marhaba Ya Mustafa

Ya Nabi! apni wiladat ki khushi mein deejiye

Khuld mein apni rafaaqat Marhaba Ya Mustafa

Waasta tum ko wiladat ka Madine mein jagah

Mujh ko de do bahr-e-turbat Marhaba Ya Mustafa

De do tum Attar ko eidi mein chashm-e-ashkbaar

Apna gham do apni ulfat Marhaba Ya Mustafa