سر ہو چوکھٹ پہ خم، تاجدار حرم

Sar ho chaukhat pe kham, Tajdaar-e-Haram

Yeh nikal jaaye dam, Tajdaar-e-Haram

Yeh raha mera sar, seena qalb-o-jigar

Lillah rakh do qadam, Tajdaar-e-Haram

Haaziri ka sabab, do bana bahr-e-Rabb

Aayein Taybah mein hum, Tajdaar-e-Haram

Har baras Hajj karun, gird-e-Kaaba phiroon

Ya Shah-e-mohtaram, Tajdaar-e-Haram

Dee-do khasta jigar, kar-do shoreeda sar

Apna jaam-e-karam, Tajdaar-e-Haram

Jo ke behti rahe, dard kehti rahe

Dee-do woh chashm-e-nam, Tajdaar-e-Haram

Aaiye khwaab mein, qalb-e-be-taab mein

Sarwar-e-mohtaram, Tajdaar-e-Haram

Kar ke atwaar theek, istiqamat ki bheek

Dee-do Shah-e-Haram, Tajdaar-e-Haram

Sab khataayein muaaf, aur naama ho saaf

Paaun Baagh-e-Iram, Tajdaar-e-Haram

Padh le tehreer jo, us ki islaah ho

Dee-do aisa qalam, Tajdaar-e-Haram

Amina ke pisar, khair se hon basar

Zeest ke pech-o-kham, Tajdaar-e-Haram

Mere maaon mein jo hain andoh-geen

Un ke hon door gham, Tajdaar-e-Haram

Haasidon ke hasad ki nahin koi had

Ab to kar do karam, Tajdaar-e-Haram

Ya Nabi taa ba-kai, haaye kuffaar ke

Hum sahein ge sitam, Tajdaar-e-Haram

Bahr-e-Ghaus-o-Raza, khatm hon sarwara

Dushmanon ke sitam, Tajdaar-e-Haram

Ae mere taajwar, door hon saare shar

Ho nigaah-e-karam, Tajdaar-e-Haram

Hun bada roo-siyah, hai gunah par gunah

Ho nigaah-e-karam, Tajdaar-e-Haram

Kholo rahmat ke pat, jaaye zulmat palat

Ho nigaah-e-karam, Tajdaar-e-Haram

Tere Attar ka, hai yeh armaan shaha

Nikle Taybah mein dam, Tajdaar-e-Haram