اذن طیبہ عطا کیجئے

Izn-e-Taiba ata kijiye

Phir karam Mustafa kijiye

Phir Madine mein aa jaayein hum

Aisa ehsaan shaha kijiye

Lo Madina qareeb aa gaya

Zaairo! aankh waa kijiye

Sabz Gumbad par ae zaairo!

Jaan apni fida kijiye

De ke gham apna duniya ke har

Ranj-o-gham ki dawa kijiye

Raat din kaash! roya karun

Aisi riqqat ata kijiye

Ik nazar hi ki to baat hai

Mast-o-bekhud shaha kijiye

Koi phera ghareebon ke ghar

Khair se dilruba kijiye

Zor-e-toofan hai naakhuda

Paar bera mera kijiye

Mah-e-Milad phir aa gaya

Zikr Milad ka kijiye

Muthinda ho jo Shaitan ko

Un ka charcha kiya kijiye

Az pey Shah-e-Karb-o-Bala

Door ranj-o-bala kijiye

Apne qadmon mein madfan ata

Ya Rasul-e-Khuda kijiye

Qabr mein ghup andhera hai aap

Aakar ab chandna kijiye

Bahar-e-murshid khazana mujhe

Aansuwon ka ata kijiye

Haasidon se hasad ka maraz

Door ya Mustafa kijiye

Saare aada ka khana kharaab

Ya Ali Murtaza kijiye

Dushmanon se kabhi na darun

Hausla wo ata kijiye

Mere saare muhibbeen ko

Jaam-e-ulfat ata kijiye

Jis qadar mere ahbaab hain

Shah! sab ka bhala kijiye

Aah! mujrim hai meezaan par

Palla bhaari mera kijiye

Paas husn-e-amal hai kahan!

Lutf Shah-e-Umam kijiye

Aah! tareeki-e-pul siraat!

Rehm Shams-ud-Duha kijiye

Fard-e-jurm aah! aaid hui

Ab shafa'at shaha kijiye

Le ke dozakh malaa'ik chale

Aap aakar riha kijiye

Kha na jaye kahin mujh ko aag

Rehm bahar-e-Khuda kijiye

Ab shafa'at pey Ahl-e-Bait

Ya Shafee-ul-Wara kijiye

Chaar yaaron ka sadqa shaha

Khuld mein jaa ata kijiye

Izn, Attar ko ab Huzoor

Haazri ka ata kijiye