عید شاعری و تہنیتی کارڈز

عید ہے اور جشنِ عالم ہے مبارک ہو تمہیں

دیدِ رخسارِ مجسم ہے مبارک ہو تمہیں

چاند نظر آ گیا اور دل کو قرار آ گیا

عید کی خوشیوں کے سنگ تیرا پیار آ گیا

دیکھا ہلالِ عید تو آیا ترا خیال

وہ آسماں کا چاند ہے تُو میرا چاند ہے

عید کے بعد بھی اگر تُو نہ ملا تو سوچو

کتنی ویران سی ہوگی مری تنہائی کی شام

عید کے دن بھی ہیں ہم دست و گریباں اپنے

کس طرح عید منائیں کہ گریباں نہ رہے

ہوا کے دوش پہ پھیلی ہے خوشبوئے عیداں

سجے ہیں گلیوں میں ہر سو سرور کے ساماں

عید کا چاند تم نے دیکھ لیا

چاند کی عید ہو گئی ہوگی

اس سے ملنا تو اسے عید مبارک کہنا

یہ بھی کہنا کہ مری عید مبارک کر دے

تجھ کو میری نہ مجھے تیری خبر جائے گی

عید اب کے بھی دبے پاؤں گزر جائے گی

ہم نے تجھے دیکھا نہیں کیا عید منائیں

جس نے تجھے دیکھا ہو اسے عید مبارک

جس طرف تو ہے ادھر ہوں گی سبھی کی نظریں

عید کے چاند کا دیدار بہانہ ہی سہی

عید کا دن ہے گلے آج تو مل لے ظالم

رسمِ دنیا بھی ہے موقع بھی ہے دستور بھی ہے

عید آئی تم نہ آئے کیا مزا ہے عید کا

عید ہی تو نام ہے اک دوسرے کی دید کا