ترا شکر مولا دیا مَدَنی ماحول

Tera shukr Maula diya Madani mahaul

Na chhoote kabhi bhi Khuda Madani mahaul

Salamat rahe ya Khuda Madani mahaul

Bache bad-nazar se sada Madani mahaul

Khuda ke karam se Khuda ki ata se

Na dushman sake ga chhara Madani mahaul

Dua hai yeh tujh se dil aisa laga de

Na chhoote kabhi bhi Khuda Madani mahaul

Humein aalimon aur buzurgon ke aadaab

Sikhaata hai har dam sada Madani mahaul

Hain Islami bhai sabhi bhai bhai

Hai be-hadd mohabbat bhara Madani mahaul

Yaqeenan muqaddar ka woh hai Sikandar

Jise khair se mil gaya Madani mahaul

Yahaan sunnatein seekhne ko milein gi

Dilaaye ga khauf-e-Khuda Madani mahaul

Tu aa be-namazi, hai deta namazi

Khuda karam se bana Madani mahaul

Gar aaye sharaabi mite har kharaabi

Charhaaye ga aisa nasha Madani mahaul

Agar chor daaku bhi aa jaayein ge to

Sudhar jaayein ge gar mila Madani mahaul

Ae beemar-e-isyaan tu aaja yahaan par

Gunaahon ki dega dawa Madani mahaul

Agar dard-e-sar ho, kahin cancer ho

Dilaaye ga tum ko shifa Madani mahaul

Shifaayein milein gi, balaayein talein gi

Yaqeenan hai barkat bhara Madani mahaul

Gunahgaro aao, siyah kaaro aao

Gunaahon ko dega chhara Madani mahaul

Pila kar mai-e-ishq dega bana yeh

Tumhein aashiq-e-Mustafa Madani mahaul

Ae Islami behno! tumhaare liye bhi

Suno hai bohot kaam ka Madani mahaul

Tumhein sunnaton aur parde ke ahkaam

Yeh taleem farmaaye ga Madani mahaul

Qayamat talak Ya Ilaahi salamat

Rahe tere Attar ka Madani mahaul