دل کی کَلِیاں کھلیں قافلے میں چلو

Dil ki kaliyan khilein qaaflay mein chalo

Ranj-o-gham bhi mitein qaaflay mein chalo

Fazl ki baarishein, rehmatein na'matein

Gar tumhein chaahiyein qaaflay mein chalo

Kaafiron ko chalein, mushrikon ko chalein

Daawat-e-deen dein, qaaflay mein chalo

Aaiye aalimo! deen ki tableegh ko

Mil ke saare chalein, qaaflay mein chalo

Aao ae aashiqein, mil ke tableegh-e-deen

Kaafiron ko karein, qaaflay mein chalo

Kaafir aa jaayein ge, raah-e-haq paayein ge

In sha Allah chalein, qaaflay mein chalo

Kufr ka sar jhuke, deen ka danka baje

In sha Allah chalein, qaaflay mein chalo

Chashm-e-beena mile sukh se jeena mile

Aao saare chalein, qaaflay mein chalo

Dil ki kaalak dhule, dard-e-isyaan tale

Aao sab chal parein, qaaflay mein chalo

Khoob khud-daariyan, aur khush-akhlaaqiyan

Aaiye seekh lein, qaaflay mein chalo

Aashiqan-e-Rasool un se le lo jo phool

Tum ko sunnat ke dein qaaflay mein chalo

Qeht-saali tale, fasl phoole phale

Khoob hon baarishein, qaaflay mein chalo

Qaaflay mein zara, maango aa kar dua

Pao ge na'matein qaaflay mein chalo

Chhorein mai-noshiyan mat bakein gaaliyan

Aayein tauba karein qaaflay mein chalo

Ae sharaabi tu aa, aa juwaari tu aa

Chhootein bad-aadatein qaaflay mein chalo

Hoga lutf-e-Khuda, aao bhai dua

Mil ke saare karein, qaaflay mein chalo

Door beemariyan aur pareshaaniyan

Hongi bas chal parein, qaaflay mein chalo

Ulcer-o-cancer ya ho dard-e-kamar

Chaliye himmat karein, qaaflay mein chalo

Dard garchay tumhaare masaane mein hai

Kehte Farooq hain qaaflay mein chalo

Faaida aakhirat ke banaane mein hai

Sab muballigh kahein qaaflay mein chalo

Deen phailaaiye, sab chale aaiye

Kehte Attar hain, qaaflay mein chalo