پھر بلا کربلا یا شہ کربلا

Phir bula Karbala, Ya Shah-e-Karbala

Apna rauza dikha, Ya Shah-e-Karbala

Tere darbaar ko, us ke anwaar ko

Aah! kab paaonga, Ya Shah-e-Karbala

Main ne choomi nahin Karbala ki zameen

Ek arsa hua, Ya Shah-e-Karbala

Koocha-e-paak ko, khas ko khaashaak ko

Choomoon aa kar piya, Ya Shah-e-Karbala

Aisa paaon banoon, dhar-kanon mein sunoon

Karbala Karbala, Ya Shah-e-Karbala

Az paye chaar yaar, ae Shah-e-zee-waqaar

Apna shaida bana, Ya Shah-e-Karbala

Chashm-e-nam deejiye apna gham deejiye

Bahr-e-Ghaus-o-Raza, Ya Shah-e-Karbala

Khwaab mein aaiye, jalwa dikhlaaiye

Az paye Mustafa, Ya Shah-e-Karbala

Is gunahgaar ko, khwaar-o-badkaar ko

Jaisa bhi hai nibha, Ya Shah-e-Karbala

Ibn-e-Shah-e-Arab! maraz-e-issyaan se ab

De do mujh ko shifa, Ya Shah-e-Karbala

Ek mazloom ko apne maghmoom ko

Aafaton se chhara, Ya Shah-e-Karbala

Mere ujre chaman par karam ki jharan

Ab to barsa Shaha, Ya Shah-e-Karbala

Dil ko mil jaaye chain al-madad Ya Hussain

Hoon bohat ghamzada, Ya Shah-e-Karbala

Ab ho rukhsat khazaan, khil uthe gulistaan

Woh chala do hawa, Ya Shah-e-Karbala

Zulfaqar-e-Ali, jab adoo pe chali

Qahr sa chha gaya, Ya Shah-e-Karbala

Aah! dushman mere, khoon ke pyaase hue

Le ke talwaar aa, Ya Shah-e-Karbala

Sun lo faryaad ko aao imdaad ko

Ibn-e-Mushkil-kusha, Ya Shah-e-Karbala

Kaash! shahaadat ka jaam main piyoon Ya Imam

Kar do Haq se dua, Ya Shah-e-Karbala

Kaash! Attar ka jaanib-e-Karbala

Chal pare qaafila, Ya Shah-e-Karbala