منقبت در شان وقار الملت

Sunniyon ke dil mein hai izzat "Waqar-ud-Din" ki

Aaj bhi mamnoon hai millat "Waqar-ud-Din" ki

Aap allama-o-mufti aur the Sheikh-ul-Hadees

Aaj bhi hai qalb mein azmat "Waqar-ud-Din" ki

Sirf aalim hi nahin the aap aalim-gar bhi the

Marhaba thi khoob ilmiyyat "Waqar-ud-Din" ki

Be-adad ulama ne zaanu-e-talammud teh kiye

Kya bayaan ho shaan-e-ilmiyyat "Waqar-ud-Din" ki

In sha Allah kaam aayegi mujhe roz-e-jaza

Qadr-daani ilm ki ulfat "Waqar-ud-Din" ki

In sha Allah woh baroz-e-hashr bakhsha jaayega

Jis ko haasil ho gayi nisbat "Waqar-ud-Din" ki

Woh mujassam aajizi the aur saraapa saadgi

Is liye to dil mein hai haibat "Waqar-ud-Din" ki

Charpaai aur takiya aur lota jaa-e-namaaz

Thi saraapa saada hi teenat "Waqar-ud-Din" ki

Charpaai par woh hote aur hum bhi roobaroo

Yaad aati hai hamein suhbat "Waqar-ud-Din" ki

Aaye din khidmat mein aa kar hum masaail poochte

Yaad aati hai hamein suhbat "Waqar-ud-Din" ki

Nukta-daani, moshigaafi aur gul-afshaaniyan

Yaad aati hai hamein suhbat "Waqar-ud-Din" ki

Khanda-peshaani tabassum-rez meethi guftagoo

Yaad aati hai hamein suhbat "Waqar-ud-Din" ki

Un ko seene se lagaya Mustafa ne khwab mein

Qaabil-e-sad rashk hai qismat "Waqar-ud-Din" ki

Banda-e-badkaar hoon! afsos main bekaar hoon

Kuchh na mujh se ho saki khidmat "Waqar-ud-Din" ki

Sab mureedon ke liye saare muhibbon ke liye

Saniha jaan-soz tha rehlat "Waqar-ud-Din" ki

Aakhiri deedar ke waqt aankh meri ro pari

Dekh kar zeer-e-kafan soorat "Waqar-ud-Din" ki

Ya Ilaahi! wasita tujh ko Rasool-e-Paak ka

Noor se ma'moor kar turbat "Waqar-ud-Din" ki

Wasita Ghaus-o-Raza ka ae Khuda-e-Mustafa

Khwab mein mujh ko dikha soorat "Waqar-ud-Din" ki

Un ke faiz-e-khaas se Attar bhi hai faizyab

Us pe kuchh zyaada hi thi shafqat "Waqar-ud-Din" ki

Tu to hai Attar bad-atwaar, woh aali waqar

Kya likhega manqabat Hazrat Waqar-ud-Din ki