حرف تازہ نئی خوشبو میں لکھا چاہتا ہے
Harf E Taza Nai Khushbu Men Likha Chahta Hai
حرف تازہ نئی خوشبو میں لکھا چاہتا ہے
باب اک اور محبت کا کھلا چاہتا ہے
ایک لمحے کی توجہ نہیں حاصل اس کی
اور یہ دل کہ اسے حد سے سوا چاہتا ہے
اک حجاب تہہ اقرار ہے مانع ورنہ
گل کو معلوم ہے کیا دست صبا چاہتا ہے
ریت ہی ریت ہے اس دل میں مسافر میرے
اور یہ صحرا ترا نقش کف پا چاہتا ہے
یہی خاموشی کئی رنگ میں ظاہر ہوگی
اور کچھ روز کہ وہ شوخ کھلا چاہتا ہے
رات کو مان لیا دل نے مقدر لیکن
رات کے ہاتھ پہ اب کوئی دیا چاہتا ہے
تیرے پیمانے میں گردش نہیں باقی ساقی
اور تری بزم سے اب کوئی اٹھا چاہتا ہے
Harf E Taaza Nayi Khushboo Mein Likha Chahta Hai
Baab Ek Aur Mohabbat Ka Khula Chahta Hai
Ek Lamhe Ki Tawajju Nahi Haasil Us Ki
Aur Yeh Dil Ke Use Had Se Siwa Chahta Hai
Ek Hijaab Teh E Iqraar Hai Maane Warna
Gul Ko Maloom Hai Kya Dast E Saba Chahta Hai
Reit Hi Reit Hai Is Dil Mein Musaafir Mere
Aur Yeh Sehra Tera Naqsh E Kaf E Paa Chahta Hai
Yehi Khamoshi Kayi Rang Mein Zaahir Hogi
Aur Kuch Roz Ke Woh Shokh Khula Chahta Hai
Raat Ko Maan Liya Dil Ne Muqaddar Lekin
Raat Ke Haath Pe Ab Koi Diya Chahta Hai
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...