دکھ نوشتہ ہے تو آندھی کو لکھا آہستہ
Dukh Navishta Hai to Andhi ko Likha Ahista
دکھ نوشتہ ہے تو آندھی کو لکھا آہستہ
اے خدا اب کے چلے زرد ہوا آہستہ آہستہ
خواب جل جائیں مری چشم تمنا بجھ جائے
بس ہتھیلی سے اڑے رنگ حنا آہستہ
زخم ہی کھولنے آئی ہے تو عجلت کیسی
چھو مرے جسم کو اے باد صبا آہستہ
ٹوٹنے اور بکھرنے کا کوئی موسم ہو
پھول کی ایک دعا موج ہوا آہستہ
جانتی ہوں کہ بچھڑنا تری مجبوری ہے
پر مری جان ملے مجھ کو سزا آہستہ
مری چاہت میں بھی اب سوچ کا رنگ آنے لگا
اور ترا پیار بھی شدت میں ہوا آہستہ
نیند پر جال سے پڑنے لگے آوازوں کے
اور پھر ہونے لگی تیری صدا آہستہ
رات جب پھول کے رخسار پہ دھیرے سے جھکی
چاند نے جھک کے کہا اور ذرا آہستہ
Dukh noshth hai to aandhi ko Likha aahesta
Aey Khuda ab ke chale zard hua aahesta aahesta
Khwab jal jaayein mri Chashm Tamanna bjh jae
Bas hatheli se arey rang hina aahesta
Zakhm hi kholney Aai hai to ajlt kisi
Chhoo mare Jism ko aey bad Saba aahesta
Totney aur bkhrney ka Koi mausam ho
Phool ki Ek Dua mauj hua aahesta
Janti hoon ke bchhrna tri mjbori hai
Par mri jaan mile mujh ko Saza aahesta
Mri Chaahat mein bhi ab soch ka rang aaney laga
Aur tra pyaar bhi shiddat mein hua aahesta
Neend par jal se Parne lage Aawazon ke
Aur phir honey lgi Teri sada aahesta
Raat jab Phool ke Rukhsaar pe dhirey se jhki
Chaand Ne jhuk ke kaha aur zara aahesta
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...