ٹوٹی ہے میری نیند مگر تم کو اس سے کیا
Tuti Hai Meri Nind Magar Tum ko Is se Kya
ٹوٹی ہے میری نیند مگر تم کو اس سے کیا
بجتے رہیں ہواؤں سے در تم کو اس سے کیا
تم موج موج مثل صبا گھومتے رہو
کٹ جائیں میری سوچ کے پر تم کو اس سے کیا
اوروں کا ہاتھ تھامو انہیں راستہ دکھاؤ
میں بھول جاؤں اپنا ہی گھر تم کو اس سے کیا
ابر گریز پا کو برسنے سے کیا غرض
سیپی میں بن نہ پائے گہر تم کو اس سے کیا
لے جائیں مجھ کو مال غنیمت کے ساتھ عدو
تم نے تو ڈال دی ہے سپر تم کو اس سے کیا
تم نے تو تھک کے دشت میں خیمے لگا لیے
تنہا کٹے کسی کا سفر تم کو اس سے کیا
Tooti Hai Meri Neend Magar Tum Ko Is Se Kya
Bajte Rahen Hawaaon Se Dar Tum Ko Is Se Kya
Tum Mauj Mauj Misl-E-Saba Ghoomti Raho
Kat Jaayen Meri Soch Ke Par, Tum Ko Is Se Kya
Auron Ka Hath Thaamo, Unhen Rasta Dikhaao
Mein Bhool Jaaun Apna Hi Ghar, Tum Ko Is Se Kya
Le Jaayen Mujhe Maal-E-Ghaneemat Ke Saath Adoo
Tum Ne To Daal Di Hai Sapar, Tum Ko Is Se Kya
Tum Ne To Thak Ke Dasht Mein Kheme Laga Liye
Tanha Kate Kisi Ka Safar,Tum Ko Is Se Kya
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...