ہے آج جشنِ ولادت نبی کی آمد ہے

Hai aaj jashn-e-wiladat Nabi ki aamad hai

Jalaao shama-e-mohabbat Nabi ki aamad hai

Jahaan mein machti hai dhoom Nabi ki aamad hai

Sunaao sab ko bashaarat Nabi ki aamad hai

Hui Khuda ki inaayat Nabi ki aamad hai

Sajaaye taaj-e-shafaa'at Nabi ki aamad hai

Gulon pe chha gayi nuzhat Nabi ki aamad hai

Chaman mein phaili hai nik'hat Nabi ki aamad hai

Hai ik ajeeb si farhat Nabi ki aamad hai

Dilon pe taari masarrat Nabi ki aamad hai

Na kyun ho wajd mein qismat Nabi ki aamad hai

Nahin khushi ki nihaayat Nabi ki aamad hai

Ilaahi! kar loon ziyaarat Nabi ki aamad hai

Ata ho chashm-e-baseerat Nabi ki aamad hai

Hai khoob baarish-e-rahmat Nabi ki aamad hai

Naha lo paaoge barkat Nabi ki aamad hai

Hua hai waa dar-e-rahmat Nabi ki aamad hai

Khuda se maang lo jannat Nabi ki aamad hai

Baraaye rushd-o-hidaayat Nabi ki aamad hai

Sunaane neki ki da'wat Nabi ki aamad hai

Adoo pe chhaayi hai haibat Nabi ki aamad hai

Mili hai khaak mein nakhwat Nabi ki aamad hai

Buton ki aa gayi shaamat Nabi ki aamad hai

Mitegi kufr ki zulmat Nabi ki aamad hai

Khushi ki aa gayi saa'at Nabi ki aamad hai

Manao jashn-e-wiladat Nabi ki aamad hai

Sajaao ghar ko charaaghaan karo mahalle mein

Manao jashn-e-wiladat Nabi ki aamad hai

Machaao dhoom sabhi marhaba ke naaron ki

Manao jashn-e-wiladat Nabi ki aamad hai

Saja do koocha-o-baazaar sabz jhandon se

Milegi qalb ko raahat Nabi ki aamad hai

Pukaro zor se deewano! Ya Rasool Allah

Manao jashn-e-wiladat Nabi ki aamad hai

Utho adab se salaat-o-salaam parhte hain

Ab aaya waqt-e-wiladat Nabi ki aamad hai

Parho salaam karo doob kar mohabbat mein

Durood-e-paak ki kasrat Nabi ki aamad hai

Karam ke dar hain khule jhoom kar barasti hai

Khuda-e-paak ki rahmat Nabi ki aamad hai

Karo Khuda se duayein na hogi maayoosi

Khula hai baab-e-ijaabat Nabi ki aamad hai

Hai shaad shaad musalmaan magar adoo naakhush

Hai tooti us pe qayaamat Nabi ki aamad hai

Juloos-e-jashn-e-wiladat mein naat ki dhoomein

Machaao hai yeh sa'aadat Nabi ki aamad hai

Khushi se aaj to lootoon ga khoob machloon ga

Jahaan mein Maah-e-Risaalat Nabi ki aamad hai

Ghar Aamina ke chalo chal ke arz karte hain

Hamein ho bheek inaayat Nabi ki aamad hai

Ae ghamzado! ho mubaarak ke gham ghalat honge

Milegi ab tumhein raahat Nabi ki aamad hai

Khushi se phoole samaate nahin hain ush-shaaq aaj

Hai chhaayi rukh pe bashaashat Nabi ki aamad hai

Karo gunaahon se tauba to khush Khuda hoga

Bahaao ashk-e-nadaamat Nabi ki aamad hai

Ilaahi! jashn-e-wiladat ka waasta hum ko

Azaab se de baraa'at Nabi ki aamad hai

Barha ke kaasa-e-dil aaj maang lo mangto

Tum un se un ki mohabbat Nabi ki aamad hai

Na maangne mein kasar saailo koi rakhna

Jo chaaho maang lo naimat Nabi ki aamad hai

Sabhi nabi safein baandhe khare hain Aqsa mein

Hui baraaye imaamat Nabi ki aamad hai

Andheri gor mein ghabraao mat gunahgaaro

Lo kar lo tum bhi ziyaarat Nabi ki aamad hai

Jo khush-naseeb hain woh apne Rabb ki rahmat se

Piyein ge deed ka sharbat Nabi ki aamad hai

Gunahgaaro lipat jaao aaj qadmon se

Karam se paaoge jannat Nabi ki aamad hai

Andhera ghup tha chaka chaund ho gayi yak-dam

Daf'atan meri turbat Nabi ki aamad hai

Karam ki baarishein hongi ae mujrimo tum par

Zara bhi aaj daro mat Nabi ki aamad hai

Farishtagaan-e-azaab ab to chhor do mujh ko

Hui baraaye shafaa'at Nabi ki aamad hai

Lipat ke daaman-e-rahmat se qabr mein Attar

Nikaalo aaj to hasrat Nabi ki aamad hai