افسوس وقت رخصت نزدیک آ رہا ہے
Afsos Waqt-e-Rukhsat Nazdeek Aa Raha Hai
افسوس وقتِ رخصت نزدیک آ رہا ہے
اک ہُوک اُٹھ رہی ہے دل بیٹھا جا رہا ہے
دل میں خوشی تھی کیسی جب میں چلا تھا گھر سے
دل غم کے گہرے دریا میں ڈوبا جا رہا ہے
ہے فرقتِ مدینہ سے چاک چاک سینہ
ابرِ سیاہ غم کا اب دل پہ چھا رہا ہے
آنکھ اشکبار ہے اب دل بے قرار ہے اب
دل کو جدائی کا غم اب خوں رُلا رہا ہے
کیوں سبز سبز گنبد پر ہو گیا نہ قرباں
اے زائرِ مدینہ! تُو بھول کھا رہا ہے
افسوس! چند گھڑیاں طیبہ کی رہ گئی ہیں
دل میں جدائی کا غم طوفاں مچا رہا ہے
کچھ بھی نہ کر سکا ہوں ہائے ادب یہاں کا
یہ غم مرے کلیجے کو کاٹ کھا رہا ہے
اب روح بھی ہے مغموم اور جان بھی ہے حیراں
بادل غم و الم کا ہر سمت چھا رہا ہے
موت آپ کی گلی کی بہتر ہے زندگی سے
ہائے مقدّر ان کا در کیوں چھڑا رہا ہے
افسوس چل دیا ہے اب قافلہ ہمارا
ہر ایک غم کا مارا آنسو بہا رہا ہے
دل خون رو رہا ہے آنسو چھلک رہے ہیں
میری نظر سے طیبہ اب چھپتا جا رہا ہے
لے لو سلامِ آخر رخصت مجھے دو آقا
خدمت بجانے دیں کی عطارؔ جا رہا ہے
آہ! اَلفِراق آقا! آہ! الوداع مولیٰ
اب چھوڑ کر مدینہ عطارؔ جا رہا ہے
Afsos waqt-e-rukhsat nazdeek aa raha hai
Ik hook uth rahi hai dil baitha jaa raha hai
Dil mein khushi thi kaisi jab main chala tha ghar se
Dil gham ke gehre darya mein dooba jaa raha hai
Hai furqat-e-Madina se chaak chaak seena
Abr-e-siyaah gham ka ab dil pe chhaa raha hai
Aankh ashkbaar hai ab dil be-qaraar hai ab
Dil ko judaai ka gham ab khoon rulaa raha hai
Kyun sabz sabz gumbad par ho gaya na qurbaan
Ae zaair-e-Madina! tu bhool khaa raha hai
Afsos! chand ghariyan Taiba ki reh gayi hain
Dil mein judaai ka gham toofaan machaa raha hai
Kuch bhi na kar saka hoon haaye adab yahaan ka
Yeh gham mere kaleje ko kaat khaa raha hai
Ab rooh bhi hai maghmoom aur jaan bhi hai hairaan
Baadal gham-o-alam ka har samt chhaa raha hai
Maut aap ki gali ki behtar hai zindagi se
Haaye muqaddar un ka dar kyun chhudda raha hai
Afsos chal diya hai ab qafila hamaara
Har ek gham ka maara aansoo bahaa raha hai
Dil khoon ro raha hai aansoo chalak rahe hain
Meri nazar se Taiba ab chhupta jaa raha hai
Le lo salaam-e-aakhir rukhsat mujhe do Aaqa
Khidmat bajaane deen ki Attar jaa raha hai
Aah! Al-firaaq Aaqa! Aah! Al-wida Maula
Ab chhor kar Madina Attar jaa raha hai
علامہ محمد الیاس قادری عطاری
امیرِ اہل سنت حضرت علامہ مولانا محمد الیاس عطار قادری بین الاقوامی اسلامی تحریک دعوتِ اسلامی کے بانی ہیں۔ آپ کے نعتیہ و مناجات کے کلام میں بے پناہ سوز و گداز اور عشقِ رسولؐ...