افسوس! بہت دور ہوں گلزار نبی سے
Afsos! Bohat Door Hun Gulzar-e-Nabi se
افسوس! بہت دُور ہوں گُلزارِ نبی سے
کاش آئے بُلاوا مجھے دربارِ نبی سے
الفت ہے مجھے گیسوئے خمدارِ نبی سے
اَبرُو و پلک آنکھ سے رُخسارِ نبی سے
پیرہن و چادر سے عصا سے ہے مَحَبَّت
نَعلین شریفین سے دَستارِ نبی سے
بُوصیریؔ! مبارک ہو تمہیں بُردِ یمانی
سوغات ملی خوب ہے دربارِ نبی سے
بیمار! کیوں مایوس ہے تُو حُسنِ یقیں سے
دم جا کے کرالے کسی بیمارِ نبی سے
تُو بَہْرِ شہِ کرب و بلا خواب میں یاربّ
فرما دے مُشَرَّف مجھے دیدارِ نبی سے
اللہ کو مانے جو محمد کو نہ مانے
لاریب وہ ناری ہوا اِنکارِ نبی سے
وہ نارِ جہنّم کا ہے حقدار یقیناً
ہے جس کو عداوت کسی بھی یارِ نبی سے
اے زائرِ طیبہ! یہ دعا کر مرے حق میں
مجھ کو بھی بُلاوا ملے دربارِ نبی سے
دنیا کے نظاروں سے بھلا کیا ہو سروکار
عُشّاق کو بس عشق ہے گُلزارِ نبی سے
دیوانوں کے آنسو نہیں تھمتے دمِ رخصت
جب سُوئے وطن جاتے ہیں دربارِ نبی سے
جلووں سے خدایا مرا سینہ ہو مدینہ
آنکھیں بھی ہوں ٹھنڈی مری دیدارِ نبی سے
Afsos! bahut door hun gulzar-e-Nabi se
Kaash aaye bulawa mujhe darbar-e-Nabi se
Ulfat hai mujhe geesoo-e-khamdar-e-Nabi se
Abroo-o-palak aankh se rukhsaar-e-Nabi se
Pairahan-o-chaadar se asa se hai muhabbat
Na'lain shareefain se dastaar-e-Nabi se
Buseeri! mubarak ho tumhein burd-e-Yamani
Saughaat mili khoob hai darbar-e-Nabi se
Beemar! kyun mayoos hai tu husn-e-yaqeen se
Dam ja ke kara le kisi beemar-e-Nabi se
Tu bahri Shah-e-Karb-o-Bala khwaab mein Ya Rab!
Farma de musharraf mujhe deedar-e-Nabi se
Allah ko maane jo Muhammad ko na maane
La-raib wo naari hua inkaar-e-Nabi se
Wo naar-e-jahannam ka hai haqdaar yaqeenan
Hai jis ko adawat kisi bhi yaar-e-Nabi se
Ae zaair-e-Taiba! ye dua kar mere haq mein
Mujh ko bhi bulawa mile darbar-e-Nabi se
Duniya ke nazaaron se bhala kya ho sarokaar
Ushaaq ko bas ishq hai gulzar-e-Nabi se
Deewanon ke aansoo nahin thamte dam-e-rukhsat
Jab soo-e-watan jaate hain darbar-e-Nabi se
Jalwon se Khudaya mera seena ho Madina
Aankhein bhi hon thandi meri deedar-e-Nabi se
علامہ محمد الیاس قادری عطاری
امیرِ اہل سنت حضرت علامہ مولانا محمد الیاس عطار قادری بین الاقوامی اسلامی تحریک دعوتِ اسلامی کے بانی ہیں۔ آپ کے نعتیہ و مناجات کے کلام میں بے پناہ سوز و گداز اور عشقِ رسولؐ...