یہ ہم جو ہجر میں دیوار و در کو دیکھتے ہیں
Yeh Hum Jo Hajr mein Deewar-o-Dar ko Dekhte Hain
یہ ہم جو ہجر میں دیوار و در کو دیکھتے ہیں
کبھی صبا کو کبھی نامہ بر کو دیکھتے ہیں
وہ آئے گھر میں ہمارے خدا کی قدرت ہے
کبھی ہم ان کو کبھی اپنے گھر کو دیکھتے ہیں
نظر لگے نہ کہیں اس کے دست و بازو کو
یہ لوگ کیوں مرے زخم جگر کو دیکھتے ہیں
ترے جواہر طرف کلہ کو کیا دیکھیں
ہم اوج طالع لعل و گہر کو دیکھتے ہیں
Yeh hum jo hajr mein deewar-o-dar ko dekhte hain
Kabhi saba ko kabhi nama-bar ko dekhte hain
Woh aaye ghar mein hamare Khuda ki qudrat hai
Kabhi hum un ko kabhi apne ghar ko dekhte hain
Nazar lage na kahin us ke dast-o-bazu ko
Yeh log kyun mere zakhm-e-jigar ko dekhte hain
Tere jawaher-e-tarf-e-kulah ko kya dekhein
Hum auj-e-tali-e-laal-o-guhar ko dekhte hain
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...