غم کھانے میں بودا دل ناکام بہت ہے
Gham Khane mein Buda Dil Nakam Bahut Hai
غم کھانے میں بودا دل ناکام بہت ہے
یہ رنج کہ کم ہے مئے گلفام بہت ہے
کہتے ہوئے ساقی سے حیا آتی ہے ورنہ
ہے یوں کہ مجھے درد تہ جام بہت ہے
نے تیر کماں میں ہے نہ صیاد کمیں میں
گوشے میں قفس کے مجھے آرام بہت ہے
کیا زہد کو مانوں کہ نہ ہو گرچہ ریائی
پاداش عمل طمع خام بہت ہے
ہیں اہل خرد کس روش خاص پہ نازاں
پابستگی رسم و رہ عام بہت ہے
زمزم ہی پہ چھوڑو مجھے کیا طوف حرم سے
آلودہ جامۂ احرام بہت ہے
ہے قہر گر اب بھی نہ بنے بات کہ ان کو
انکار نہیں اور مجھے ابرام بہت ہے
خوں ہو کے جگر آنکھ سے ٹپکا نہیں اے مرگ
رہنے دے مجھے یاں کہ ابھی کام بہت ہے
ہوگا کوئی ایسا بھی کہ غالبؔ کو نہ جانے
شاعر تو وہ اچھا ہے پہ بدنام بہت ہے
Gham khane mein buda dil nakam bahut hai
Yeh ranj ke kam hai mai-e-gulfam bahut hai
Kehte hue saqi se haya aati hai warna
Hai yun ke mujhe dard tah-e-jam bahut hai
Na teer kaman mein hai na sayyad kamin mein
Goshe mein qafas ke mujhe aaram bahut hai
Kya zuhd ko maanoon ke na ho garcha riyai
Padash-e-amal tama-e-khaam bahut hai
Hain ahl-e-khirad kis rawish-e-khaas pe nazan
Pabastagi-e-rasm-o-rah-e-aam bahut hai
Zamzam hi pe chhoro mujhe kya tauf-e-haram se
Aluda jama-e-ihram bahut hai
Hai qahr-gar ab bhi na bane baat ke un ko
Inkar nahin aur mujhe ibram bahut hai
Khoon ho ke jigar aankh se tapka nahin ae marg
Rehne de mujhe yan ke abhi kaam bahut hai
Hoga koi aisa bhi ke Ghalib ko na jane
Shair to woh achha hai pe badnam bahut hai
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...