وہ تو خوش بو ہے ہواؤں میں بکھر جائے گا
Wo to Khush Bu Hai Havaon Men Bikhar Jaega
وہ تو خوش بو ہے ہواؤں میں بکھر جائے گا
مسئلہ پھول کا ہے پھول کدھر جائے گا
ہم تو سمجھے تھے کہ اک زخم ہے بھر جائے گا
کیا خبر تھی کہ رگ جاں میں اتر جائے گا
وہ ہواؤں کی طرح خانہ بجاں پھرتا ہے
ایک جھونکا ہے جو آئے گا گزر جائے گا
وہ جب آئے گا تو پھر اس کی رفاقت کے لیے
موسم گل مرے آنگن میں ٹھہر جائے گا
آخرش وہ بھی کہیں ریت پہ بیٹھی ہوگی
تیرا یہ پیار بھی دریا ہے اتر جائے گا
مجھ کو تہذیب کے برزخ کا بنایا وارث
جرم یہ بھی مرے اجداد کے سر جائے گا
Wo To Khushboo Hai Havaaon Men Bikhar Jaaye Ga
Masla Phool Ka Hai Phool Kidhar Jaaye Ga
Ham To Samjhe The Ke Ek Zakhm Hai Bhar Jaaye Ga
Kya Khabar Thi Ke Rag-E-Jaan Men Utar Jaaye Ga
Wo Havaaon Ki Tarah Khaana Bajaan Phirtaa Hai
Ek Jhonkaa Hai Jo Aaye Ga Guzar Jaaye Ga
Wo Jab Aaye Ga To Phir Us Ki Rafaaqat Ke Liye
Mausam-E-Gul Mere Aangan Men Thahar Jaaye Ga
Aakhirash Wo Bhi Kahin Ret Pe Baithi Hogi
Tera Ye Pyaar Bhi Dariyaa Hai Utar Jaaye Ga
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...