طرب انگیز ہے راحت فزا ہے کیف ساماں ہے
Trb Angaiz Hai Rahat Fza Hai Kif Saman Hai
طرب انگیز ہے راحت فزا ہے کیف ساماں ہے
یہ کوئی گلستاں ہے یا مدینے کا بیاباں ہے
مِری جانب نگاہِ لطفِ سردارِ رسولاںﷺ ہے
مقدر پر میں نازاں ہوں مقدر مجھ پہ نازاں ہے
یہ مانا باغِ رضواں روح پرور کیف ساماں ہے
مدینے کا گلستاں پھر مدینے کا گلستاں ہے
مجھے دنیا میں کوئی غم نہ عقبیٰ میں پریشانی
یہاں بھی اُن کا داماں ہے وہاں بھی اُن کا داماں ہے
نبیﷺ کی یاد ہے کافی سہارا دونوں عالم میں
یہاں وجہ سکونِ دل، وہاں بخشش کا ساماں ہے
مجھے پرواہ نہیں موجیں اُٹھیں طوفان آجائے
نگہبانِ دو عالمﷺ میری کشتی کا نگہباں ہے
نبیوں میں کچھ ایسی شان ہے سرکارِ والاﷺ کی
کہ اگلے انبیا کو اُمّتی بننے کا ارماں ہے
جو اُن کے ہیں انہیں نارِ جہنم چھو نہیں سکتی
خدا کے خاص بندوں پر خدا کا خاص احساں ہے
نہیں فعلِ عبث سرکارِ طیبہﷺ کی ثنا خوانی
جو وہ تحسیؔن فرما دیں تو یہ بخشش کا ساماں ہے
Trb Angaiz hai rahat fza hai kif saman hai
Yeh Koi glstan hai ya Madine ka bayabã hai
Mri janib Nigah-e lut̤f-e srdar-e rsolan hai
Mqdr par mein nazan hoon mqdr mujh pe nazan hai
Yeh maana Baagh-e rzoan Rooh Parwar kif saman hai
Madine ka glstan phir Madine ka glstan hai
Mujhe duniya mein Koi gham na aqbi mein prishani
Yahan bhi an ka daman hai wahan bhi an ka daman hai
Nbi ki Yaad hai kaafi sahara Donon alam mein
Yahan Wajah sukoon-e dl wahan Bakhshish ka saman hai
Mujhe proah nahin Maujain athin toofan aajaee
Nghban-e do aalm Meri Kashti ka nghban hai
Nbion mein Kuch aisi šan hai Sarkar-e oala ki
Ke Agle Anbiya ko amti bnney ka arman hai
Jo an ke hain Unhein nar-e jahannam Chhoo nahin skti
Khuda ke khas Bandon par Khuda ka khas ahsan hai
Nahin Fel-e abs Sarkar-e tibh ki sna khoani
Jo woh thsin frma dein to yeh Bakhshish ka saman hai
نامعلوم / روایتی کلام
وہ لازوال اور مقبولِ عام نعتیں اور سلام جن کے تخلیق کار تاریخ میں نامعلوم ہیں یا جو روایتی ثنا خوانی کا حصہ ہیں۔