مرحبا! آج چلیں گے شہ ابرار کے پاس

Marhaba! Aaj Chalen Ge Shah-e-Abrar ke Paas

علامہ محمد الیاس قادری عطاری کلاسیکی دور

فونٹ سائز:

100%

پس منظر:

مرحبا آج چلیں گے شہِ ابرار کے پاس

ان شاء اللہ پہنچ جائیں گے سرکار کے پاس

پیش کرنے کیلئے کچھ نہیں بدکار کے پاس

ڈھیروں عصیاں ہیں گنہگاروں کے سردار کے پاس

مل چکا اذن، مبارک ہو مدینے کا سفر

قافلے والو چلو دلبر و دلدار کے پاس

خوب رو رو کے وہاں غم کا فسانہ کہنا

غمزدو آؤ چلو احمدِ مختار کے پاس

میں گنہگار گناہوں کے سوا کیا لاتا

نیکیاں ہوتی ہیں سرکار نکو کار کے پاس

سر بھی خم آنکھ بھی نم، شرم سے پانی پانی

کیا کرے نذر نہیں کچھ بھی گنہگار کے پاس

آنکھ جب گنبدِ خضرا کا نظارہ کرلے

دم نکل جائے مرا کاش! درِ یار کے پاس

عرصۂ حشر میں جب روتا بلکتا دیکھا

رحم کھاتے ہوئے دوڑ آئے وہ بدکار کے پاس

مجرمو! اتنا بھی گھبراؤ نہ محشر میں تم

مل کے چلتے ہیں سبھی اپنے مددگار کے پاس

دونوں عالم کی بھلائی کا سوالی بن کر

اِک بھکاری ہے کھڑا آپ کے دربار کے پاس

شاہِ والا یہ مدینے کا بنے دیوانہ

اِک بھکاری ہے کھڑا آپ کے دربار کے پاس

اپنا غم چشمِ نم اور رِقّتِ قلبی دیجے

اِک بھکاری ہے کھڑا آپ کے دربار کے پاس

اُلفتِ ناب ملے اور دلِ بے تاب ملے

اِک بھکاری ہے کھڑا آپ کے دربار کے پاس

حُسنِ اخلاق ملے بھیک میں اخلاص ملے

اِک بھکاری ہے کھڑا آپ کے دربار کے پاس

از پئے غوث و رضا ”قفلِ مدینہ“ مل جائے

اِک بھکاری ہے کھڑا آپ کے دربار کے پاس

استقامت اسے ایماں پہ عطا کر دیجے

اِک بھکاری ہے کھڑا آپ کے دربار کے پاس

ہے مدینے میں شہادت کا یہ منگتا مولیٰ

اِک بھکاری ہے کھڑا آپ کے دربار کے پاس

قبر و محشر میں اَماں کا ہے طلب گار حضور

اِک بھکاری ہے کھڑا آپ کے دربار کے پاس

نارِ دوزخ سے رہائی کا ملے پروانہ

اِک بھکاری ہے کھڑا آپ کے دربار کے پاس

اس کو جنّت میں جوار اپنا عطا ہو داتا

اِک بھکاری ہے کھڑا آپ کے دربار کے پاس

آپ سے آپ ہی کا ہے یہ سوالی آقا

اِک بھکاری ہے کھڑا آپ کے دربار کے پاس

قبر میں یوں ہی نکیرو! نہیں آیا ان کی

ہے غلامی کی سند دیکھ لو عطارؔ کے پاس

Marhaba aaj chalein ge Shah-e-Abrar ke paas

InshaAllah pahunch jaayein ge Sarkar ke paas

Pesh karne ke liye kuch nahin badkaar ke paas

Dheron isyan hain gunahgaaron ke Sardaar ke paas

Mil chuka izn, mubarak ho Madine ka safar

Qaafile waalo chalo dilbar-o-dildaar ke paas

Khoob ro ro ke wahan gham ka fasaana kehna

Ghamzado aao chalo Ahmad-e-Mukhtaar ke paas

Main gunahgaar gunahon ke siwa kya laata

Nekiyan hoti hain Sarkar neko-kaar ke paas

Sar bhi kham aankh bhi nam, sharm se paani paani

Kya kare nazr nahin kuch bhi gunahgaar ke paas

Aankh jab Gumbad-e-Khazra ka nazaara kar le

Dam nikal jaaye mera kaash! dar-e-yaar ke paas

Arsa-e-hashr mein jab rota bilakta dekha

Rahm khaate huye daud aaye woh badkaar ke paas

Mujrimo! itna bhi ghabraao na mahshar mein tum

Mil ke chalte hain sabhi apne madadgaar ke paas

Donon aalam ki bhalayi ka sawaali ban kar