میں جو یوں مدینے جاتا تو کچھ اور بات ہوتی
Main Jo Yun Madine Jata to Kuch aur Baat Hoti
میں جو یوں مدینے جاتا تو کچھ اور بات ہوتی
کبھی لوٹ کر نہ آتا تو کچھ اور بات ہوتی
میں مدینے تو گیا تھا یہ بڑا شرف تھا لیکن
وہیں دم جو ٹوٹ جاتا تو کچھ اور بات ہوتی
غمِ روزگار میں تو مرے اشک بہ رہے ہیں
ترا غم اگر رلاتا تو کچھ اور بات ہوتی
نہ فضول کاش! ہنستا تری یاد میں تڑپتا
مجھے چین ہی نہ آتا تو کچھ اور بات ہوتی
یہی آہ! فکرِ دنیا مرا دل جلا رہی ہے
غمِ ہجر گر ستاتا تو کچھ اور بات ہوتی
یہاں قبر میں کرم سے تری دید مجھ کو ہوگی
جو بقیعِ پاک پاتا تو کچھ اور بات ہوتی
بزبانِ زائریں تو میں سلام بھیجتا ہوں
کبھی خود سلام لاتا تو کچھ اور بات ہوتی
ارے زائرِ مدینہ! تو خوشی سے ہنس رہا ہے
دلِ غمزدہ جو لاتا تو کچھ اور بات ہوتی
مری آنکھ جب بھی کھلتی تری رحمتوں سے آقا
تجھے سامنے ہی پاتا تو کچھ اور بات ہوتی
کیوں مدینہ چھوڑ آیا تجھے کیا ہوا تھا عطار
وہیں گھر اگر بساتا تو کچھ اور بات ہوتی
Main jo yoon Madine jaata to kuch aur baat hoti
Kabhi laut kar na aata to kuch aur baat hoti
Main Madine to gaya tha yeh bada sharaf tha lekin
Waheen dam jo toot jaata to kuch aur baat hoti
Gham-e-rozgaar mein to mere ashk beh rahe hain
Tera gham agar rulaata to kuch aur baat hoti
Na fuzool kaash! hansta teri yaad mein tadapta
Mujhe chain hi na aata to kuch aur baat hoti
Yahi aah! fikr-e-dunya mera dil jala rahi hai
Gham-e-hijr gar sataata to kuch aur baat hoti
Yahan qabr mein karam se teri deed mujh ko hogi
Jo Baqee-e-Paak paata to kuch aur baat hoti
Bazubaan-e-zaaireen to main salaam bhejta hun
Kabhi khud salaam laata to kuch aur baat hoti
Arre zaair-e-Madina! tu khushi se hans raha hai
Dil-e-ghamzada jo laata to kuch aur baat hoti
Meri aankh jab bhi khulti teri rahmato'n se Aaqa
Tujhe saamne hi paata to kuch aur baat hoti
Kyun Madina chhod aaya tujhe kya hua tha Attar
Waheen ghar agar basaata to kuch aur baat hoti
علامہ محمد الیاس قادری عطاری
امیرِ اہل سنت حضرت علامہ مولانا محمد الیاس عطار قادری بین الاقوامی اسلامی تحریک دعوتِ اسلامی کے بانی ہیں۔ آپ کے نعتیہ و مناجات کے کلام میں بے پناہ سوز و گداز اور عشقِ رسولؐ...