حضور میری تو ساری بہار آپ سے ہے​

حضور میری تو ساری بہار آپ سے ہے​

میں بے قرار تھا میرا قرار آپ سے ہے​

​

کہاں وہ ارض مدینہ کہاں میری ہستی​

یہ حاضری کا سبب بار بارآپ سے ہے​

​

میری تو ہستی کیا ہے میرے غریب نواز​

جو مل رہا ہےمجھے سارا پیار آپ سے ہے​

​

سیاہ کار ہوں آقا بڑی ندامت ہے​

قسم خدا کی یہ میرا وقار آپ سے ہے​

​​

محبتوں کا صلہ کون ایسے دیتا ہے​

سنہری جالیوں میں یار غارآپ سے ہے​

​

یہ لفظ نعت کے جتنے ہیں آپ دیتے ہیں​

یہ نعت گوئی میں میرا شمار آپ سے ہے​

​

حضور آپ کی یادوں میں اشک رحمت ہے​

یہ آنکھ تیری ضیا اشکبار آپ سے ہے​

​

ہے ذکر آپ کا ایسا کہ آنکھ برآئے​

یہ آنکھ تیری ضیا اشکبار آپ سے ہے