ہزاروں خواہشیں ایسی کہ ہر خواہش پہ دم نکلے
Hazaron Khwahishein Aisi ke Har Khwahish pe Dam Nikle
ہزاروں خواہشیں ایسی کہ ہر خواہش پہ دم نکلے
بہت نکلے مرے ارمان لیکن پھر بھی کم نکلے
ڈرے کیوں میرا قاتل کیا رہے گا اس کی گردن پر
وہ خوں جو چشم تر سے عمر یوں دم بہ دم نکلے
نکلنا خلد سے آدم کا سنتے آئے ہیں لیکن
بہت بے آبرو ہو کر ترے کوچے سے ہم نکلے
بھرم کھل جائے ظالم تیرے قامت کی درازی کا
اگر اس طرۂ پر پیچ و خم کا پیچ و خم نکلے
مگر لکھوائے کوئی اس کو خط تو ہم سے لکھوائے
ہوئی صبح اور گھر سے کان پر رکھ کر قلم نکلے
ہوئی اس دور میں منسوب مجھ سے بادہ آشامی
پھر آیا وہ زمانہ جو جہاں میں جام جم نکلے
ہوئی جن سے توقع خستگی کی داد پانے کی
وہ ہم سے بھی زیادہ خستۂ تیغ ستم نکلے
محبت میں نہیں ہے فرق جینے اور مرنے کا
اسی کو دیکھ کر جیتے ہیں جس کافر پہ دم نکلے
کہاں مے خانہ کا دروازہ غالبؔ اور کہاں واعظ
پر اتنا جانتے ہیں کل وہ جاتا تھا کہ ہم نکلے
Hazaron khwahishein aisi ke har khwahish pe dam nikle
Bahut nikle mere armaan lekin phir bhi kam nikle
Dare kyun mera qatil kya rahe ga us ki gardan par
Woh khoon jo chashm-e-tar se umr yun dam-ba-dam nikle
Nikalna khuld se Adam ka sunte aaye hain lekin
Bahut be-aabru ho kar tere kooche se hum nikle
Bharam khul jaye zalim tere qamat ki darazi ka
Agar us turra par pech-o-kham ka pech-o-kham nikle
Magar likhwaye koi us ko khat to hum se likhwaye
Hui subh aur ghar se kaan par rakh kar qalam nikle
Hui is daur mein mansoob mujh se bada-ashami
Phir aaya woh zamana jo jahan mein jam-e-Jam nikle
Hui jin se tawaqqu khastagi ki daad pane ki
Woh hum se bhi ziyada khasta-e-taigh-e-sitam nikle
Mohabbat mein nahin hai farq jeene aur marne ka
Usi ko dekh kar jeete hain jis kafir pe dam nikle
Kahan mai-khane ka darwaza Ghalib aur kahan waez
Par itna jante hain kal woh jata tha ke hum nikle
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...