کبھی نیکی بھی اس کے جی میں گر آ جائے ہے مجھ سے
Kabhi Neki bhi Us ke Ji mein Gar Aa Jaye Hai Mujh se
کبھی نیکی بھی اس کے جی میں گر آ جائے ہے مجھ سے
جفائیں کر کے اپنی یاد شرما جائے ہے مجھ سے
خدایا جذبۂ دل کی مگر تاثیر الٹی ہے
کہ جتنا کھینچتا ہوں اور کھنچتا جائے ہے مجھ سے
وہ بد خو اور میری داستان عشق طولانی
عبارت مختصر قاصد بھی گھبرا جائے ہے مجھ سے
ادھر وہ بد گمانی ہے ادھر یہ ناتوانی ہے
نہ پوچھا جائے ہے اس سے نہ بولا جائے ہے مجھ سے
سنبھلنے دے مجھے اے نا امیدی کیا قیامت ہے
کہ دامان خیال یار چھوٹا جائے ہے مجھ سے
تکلف بر طرف نظارگی میں بھی سہی لیکن
وہ دیکھا جائے کب یہ ظلم دیکھا جائے ہے مجھ سے
ہوئے ہیں پاؤں ہی پہلے نبرد عشق میں زخمی
نہ بھاگا جائے ہے مجھ سے نہ ٹھہرا جائے ہے مجھ سے
قیامت ہے کہ ہووے مدعی کا ہم سفر غالبؔ
وہ کافر جو خدا کو بھی نہ سونپا جائے ہے مجھ سے
Kabhi neki bhi us ke ji mein gar aa jaye hai mujh se
Jafayen kar ke apni yaad sharma jaye hai mujh se
Khudaya jazba-e-dil ki magar taseer ulti hai
Ke jitna khainchta hoon aur khanchta jaye hai mujh se
Woh bad-khu aur meri dastan-e-ishq tulani
Ibarat mukhtasar qasid bhi ghabra jaye hai mujh se
Udhar woh bad-gumani hai udhar yeh natuwani hai
Na poocha jaye hai us se na bola jaye hai mujh se
Sambhalne de mujhe ae na-umeedi kya qayamat hai
Ke daman-e-khayal-e-yar chhuta jaye hai mujh se
Takalluf bar-taraf nazargi mein bhi sahi lekin
Woh dekha jaye kab yeh zulm dekha jaye hai mujh se
Hue hain paon hi pehle nubard-e-ishq mein zakhmi
Na bhaga jaye hai mujh se na thehra jaye hai mujh se
Qayamat hai ke huwe muddai ka humsafar Ghalib
Woh kafir jo Khuda ko bhi na sonpa jaye hai mujh se
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...