ہم در آقا پے سر اپنا جھکا لیتے ہیں
Hum Dar Aqa Pay Sar Apna Jhuka Lete Hain
ہم درِ آقا ﷺپے سر اپنا جھکا لیتے ہیں
سچ بتانا ارے دنیا تیرا کیا لیتے ہیں
اْس کو آنکھوں پے بٹھاتے ہیں زمانے والے
جس کو محبوبِ خدا ﷺ اپنا بنا لیتے ہیں
وقت کی قید نہیں ہے یہ کرم کی باتیں
جب بھی سرکار ﷺکی مرضی ہو بلا لیتے ہیں
غم کے ماروں کا طبیبو نہ کرو کوئی علاج
ہم غمِ عشقِ نبی ﷺ میں بھی مزا لیتے ہیں
پتھرو تم تو ہو پتھر مگر آقا ﷺ میرے
تم سے گر چاہیں تو کلمہ بھی پڑھا لیتے ہیں
جب نہیں ملتی کہیں سے بھی سکوں کی دولت
تیری محفل تیرے دیوانے سجا لیتے ہیں
یہ بھی سرکار کی رحمت ہے کرم ہے اْنکا
ہم جہاں جائیں وہاں رنگ جما لیتے ہیں
گنبد خضراء خدا تجھ کو سلامت رکھے
دیکھ لیتے ہیں تجھے پیاس بجھا لیتے ہیں
Hum Dar-e aqa pe sar Apna jhuka lete hain
Sach batana arey duniya Tera kiya lete hain
As ko Aankhon Pay bthatey hain Zamane oaley
Jis ko Mehboob-e Khuda Apna bana lete hain
Waqt ki Qaid nahin hai yeh Karam ki Batein
Jab bhi Sarkar ki marzi ho bala lete hain
Gham ke maron ka tbibo na karo Koi ilaaj
Hum gham-e Ishq-e Nabi mein bhi mza lete hain
Pthro tum to ho Patthar magar aqa Mere
Tum se Gir chahein to kalma bhi Parha lete hain
Jab nahin milti kahein se bhi skon ki daulat
Teri mahfil Tere dioaney sja lete hain
Yeh bhi Sarkar ki Rehmat hai Karam hai anka
Hum jahan jaayein wahan rang Jamaa lete hain
Gumbad Khazra Khuda tujh ko salamat rakhe
Dekh lete hain Tujhe payaas bjha lete hain
نامعلوم / روایتی کلام
وہ لازوال اور مقبولِ عام نعتیں اور سلام جن کے تخلیق کار تاریخ میں نامعلوم ہیں یا جو روایتی ثنا خوانی کا حصہ ہیں۔