آواز کے ہم راہ سراپا بھی تو دیکھوں
Avaz ke Hamrah Sarapa bhi to Dekhun
آواز کے ہم راہ سراپا بھی تو دیکھوں
اے جان سخن میں تیرا چہرہ بھی تو دیکھوں
دستک تو کچھ ایسی ہے کہ دل چھونے لگی ہے
اس حبس میں بارش کا یہ جھونکا بھی تو دیکھوں
صحرا کی طرح رہتے ہوئے تھک گئیں آنکھیں
دکھ کہتا ہے میں اب کوئی دریا بھی تو دیکھوں
یہ کیا کہ وہ جب چاہے مجھے چھین لے مجھ سے
اپنے لئے وہ شخص تڑپتا بھی تو دیکھوں
اب تک تو مرے شعر حوالہ رہے تیرا
اب میں تری رسوائی کا چرچا بھی تو دیکھوں
اب تک جو سراب آئے تھے انجانے میں آئے
پہچانے ہوئے رستوں کا دھوکا بھی تو دیکھوں
Aawaaz ke Hum Raah srapa bhi to dekhoon
Aey jaan skhn mein Tera Chehra bhi to dekhoon
Dastak to Kuch aisi hai ke Dil chhoney lgi hai
Is hbs mein Barish ka yeh jhonka bhi to dekhoon
Sehra ki tara Rahte hue thk gayeen Aankhein
Dukh kehta hai mein ab Koi Darya bhi to dekhoon
Yeh kiya ke woh jab chahe Mujhe chhin le mujh se
Apne Liye woh Shakhs trpta bhi to dekhoon
Ab tak to mare Sher havala rhey Tera
Ab mein tri rsoai ka Charcha bhi to dekhoon
Ab tak jo sarab aaye the Anjaane mein aaye
Pahchane hue rston ka dhoka bhi to dekhoon
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...