زمانہ آیا ہے بے حجابی کا عام دیدار یار ہوگا
Zamana Aaya Hai Be-Hijabi ka Aam Didar-e-Yar Hoga
زمانہ آیا ہے بے حجابی کا عام دیدار یار ہوگا
سکوت تھا پردہ دار جس کا وہ راز اب آشکار ہوگا
گزر گیا اب وہ دور ساقی کہ چھپ کے پیتے تھے پینے والے
بنے گا سارا جہان مے خانہ ہر کوئی بادہ خوار ہوگا
کبھی جو آوارۂ جنوں تھے وہ بستیوں میں پھر آ بسیں گے
برہنہ پائی وہی رہے گی مگر نیا خار زار ہوگا
سنا دیا گوش منتظر کو حجاز کی خامشی نے آخر
جو عہد صحرائیوں سے باندھا گیا تھا پھر استوار ہوگا
نکل کے صحرا سے جس نے روما کی سلطنت کو الٹ دیا تھا
سنا ہے یہ قدسیوں سے میں نے وہ شیر پھر ہوشیار ہوگا
کیا مرا تذکرہ جو ساقی نے بادہ خواروں کی انجمن میں
تو پیر مے خانہ سن کے کہنے لگا کہ منہ پھٹ ہے خار ہوگا
دیار مغرب کے رہنے والو خدا کی بستی دکاں نہیں ہے
کھرا جسے تم سمجھ رہے ہو وہ اب زر کم عیار ہوگا
تمہاری تہذیب اپنے خنجر سے آپ ہی خودکشی کرے گی
جو شاخ نازک پہ آشیانہ بنے گا ناپائیدار ہوگا
سفینۂ برگ گل بنا لے گا قافلہ مور ناتواں کا
ہزار موجوں کی ہو کشاکش مگر یہ دریا سے پار ہوگا
چمن میں لالہ دکھاتا پھرتا ہے داغ اپنا کلی کلی کو
یہ جانتا ہے کہ اس دکھاوے سے دل جلوں میں شمار ہوگا
جو ایک تھا اے نگاہ تو نے ہزار کر کے ہمیں دکھایا
یہی اگر کیفیت ہے تیری تو پھر کسے اعتبار ہوگا
کہا جو قمری سے میں نے اک دن یہاں کے آزاد پا بہ گل ہیں
تو غنچے کہنے لگے ہمارے چمن کا یہ رازدار ہوگا
خدا کے عاشق تو ہیں ہزاروں بنوں میں پھرتے ہیں مارے مارے
میں اس کا بندہ بنوں گا جس کو خدا کے بندوں سے پیار ہوگا
یہ رسم برہم فنا ہے اے دل گناہ ہے جنبش نظر بھی
رہے گی کیا آبرو ہماری جو تو یہاں بے قرار ہوگا
میں ظلمت شب میں لے کے نکلوں گا اپنے درماندہ کارواں کو
شہہ نشاں ہوگی آہ میری نفس مرا شعلہ بار ہوگا
نہیں ہے غیر از نمود کچھ بھی جو مدعا تیری زندگی کا
تو اک نفس میں جہاں سے مٹنا تجھے مثال شرار ہوگا
نہ پوچھ اقبالؔ کا ٹھکانہ ابھی وہی کیفیت ہے اس کی
کہیں سر رہ گزار بیٹھا ستم کش انتظار ہوگا
Zamana aaya hai be-hijabi ka aam didaar-e-yaar hoga
Sukoot tha parda-daar jis ka woh raaz ab aashkaar hoga
Guzar gaya ab woh daur saaqi ki chhup ke peete the peene wale
Banega saara jahan may-khaana har koi baada-khwaar hoga
Kabhi jo aawaara-e-junoon the woh bastiyon mein phir aa basenge
Barhna-paai wahi rahegi magar naya khaar-zaar hoga
Suna diya gosh-e-muntazir ko hijaz ki khaamoshi ne aakhir
Jo ahd sahraaiyon se baandha gaya tha phir ustuwaar hoga
Nikal ke sahra se jis ne ruma ki saltanat ko ulat diya tha
Suna hai ye qudsiyon se main ne woh sher phir hoshyaar hoga
Kiya mira tazkira jo saaqi ne baada-khwaaron ki anjuman mein
To peer-e-may-khaana sun ke kehne laga ki munh phat hai khaar hoga
Deyaar-e-maghrib ke rehne walo khuda ki basti dukaan nahi hai
Khara jise tum samajh rahe ho woh ab zar-e-kam-ayaar hoga
Tumhari tahzeeb apne khanjar se aap hi khud-kushi karegi
Jo shaakh-e-naazuk pe aashiyaana banega naa-paaydar hoga
Safeena-e-barg-e-gul bana lega qaafila mor-e-na-tawaan ka
Hazaar maujon ki ho kasha-kash magar ye dariya se paar hoga
Chaman mein laala dikhata phirta hai daag apna kali kali ko
Ye jaanta hai ki is dikhave se dil-jalon mein shumaar hoga
Jo ek tha ai nigah tu ne hazaar kar ke humein dikhaya
Yahi agar kaifiyat hai teri to phir kise e’tibaar hoga
Kaha jo qamari se main ne ik din yahan ke aazaad pa-b-gil hain
To ghoonche kehne lage humare chaman ka ye raaz-daar hoga
Khuda ke aashiq to hain hazaaron banon mein phirte hain maare maare
Main us ka banda banoonga jis ko khuda ke bando se pyaar hoga
Ye rasm-e-barham fana hai ai dil gunaah hai jumbish-e-nigah bhi
Rahegi kya aabroo humari jo tu yahan be-qaraar hoga
Main zulmat-e-shab mein le ke nikalunga apne darmanda kaarvaan ko
Shah nishaan hogi aah meri nafs mira shola baar hoga
Nahi hai gair-az numood kuch bhi jo mudda teri zindagi ka
Tu ik nafs mein jahan se mitna tujhe misaal-e-sharaar hoga
Na poochh 'Iqbal' ka thikaana abhi wahi kaifiyat hai us ki
Kahin sar-e-rahguzar baitha sitam-kash-e-intizaar hoga
علامہ اقبال
علامہ محمد اقبال (9 نومبر 1877ء – 21 اپریل 1938ء) مفکرِ پاکستان، شاعرِ مشرق، حکیم الامت اور بیسویں صدی کے سب سے عظیم مسلم فلسفی اور شاعر تھے۔ آپ نے اردو اور فارسی زبان میں...