تو اگر بے نقاب ہو جائے
Tu Agar Be-Naqaab Ho Jaye
تو اگر بے نقاب ہو جائے
جستجو ، کامیاب ہو جائے
عکس پڑ جائے جو ترے رُخ کا
آفتاب ، آفتاب ہو جائے
دیکھ لے اک نظر اگر ساقی
سادہ پانی شراب ہو جائے
چھوڑ دوں میں اگر تمہارا در
میری مٹی خراب ہو جائے
ہاتھ رکھ دو جو تم مرے دل پر
درد کا سدباب ہو جائے
اُن کی آنکھیں جو آئیں گردش میں
رونما انقلاب ہو جائے
شرح عشق و وفا لکھے جو نصیر
اچھی خاصی کتاب ہو جائے
Tu agar be-naqaab ho jaye
Justaju, kaamyaab ho jaye
Aks parh jaye jo tere rukh ka
Aaftab, aaftab ho jaye
Dekh lay ik nazar agar saqi
Sada paani sharaab ho jaye
Chhor doon main agar tumhara dar
Meri mitti kharaab ho jaye
Haath rakh do jo tum mere dil par
Dard ka sadd-e-baab ho jaye
Un ki aankhein jo aayein gardish mein
Runuma inqilab ho jaye
Sharh-e-ishq-o-wafa likhay jo Naseer
Achi khaasi kitaab ho jaye
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...