آئے ہیں ہم سے پہلے کچھ انسان اور بھی
Aaye Hain Hum se Pehle Kuch Insaan aur bhi
آئے ہیں ہم سے پہلے کچھ انسان اور بھی
صحرا میں اُڑ رہے ہیں گریبان اور بھی
شکوے کے بعد دل ہے پریشان اور بھی
آفت میں آگئی ہے مری جان اور بھی
کہتے ہیں دل میں آ کے کسی کی نظر کے تیر
آئیں گے اس مکان میں مہمان اور بھی
تہذیب کو نئی سحر جگائے کچھ اس طرح
برباد ہو کے رہ گئے انسان اور بھی
بہتر ہے گیسوؤں سے نہ ہو اُن کی چھیڑ چھاڑ
سلجھائیں گے تو ہوں گے پریشان اور بھی
اُن کا خیال ، برق سکوں سوز بن گیا
دل میں مچل گئے ، مرے ارمان اور بھی
کانٹوں سے ہی نہیں ہیں گلوں کو شکایتیں
دل میں ہے ایک باعث ہیجان اور بھی
تم نے تو بخش دی ہے نئی زندگی مجھے
ہو جائے اک نگاہ کا احسان اور بھی
میں ہی نہیں نصیر فدا اُس کے حُسن پر
میری طرح فدا ہیں کچھ انسان اور بھی
Aaye hain hum se pehle kuch insaan aur bhi
Sehra mein urr rahay hain girebaan aur bhi
Shikway ke baad dil hai pareshan aur bhi
Aafat mein aa gayi hai meri jaan aur bhi
Kehte hain dil mein aa ke kisi ki nazar ke teer
Aayein ge is makaan mein mehmaan aur bhi
Tehzeeb ko nayi sahar jagaye kuch is tarah
Barbaad ho ke reh gaye insaan aur bhi
Behtar hai gesuon se na ho un ki chhair chaar
Suljhayein ge to hon ge pareshan aur bhi
Un ka khayal, barq-e-sukoon-soz ban gaya
Dil mein machal gaye, mere armaan aur bhi
Kaanton se hi nahi hain gulon ko shikayatein
Dil mein hai ik baais-e-haijaan aur bhi
Tum ne to bakhsh di hai nayi zindagi mujhe
Ho jaye ik nigaah ka ehsaan aur bhi
Main hi nahi Naseer fida us ke husn par
Meri tarah fida hain kuch insaan aur bhi
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...