سخن وری ہمیں کب تجربے سے آئی ہے
Sukhan-Wari Hamein Kab Tajurbe se Aayi Hai
سخن وری ہمیں کب تجربے سے آئی ہے
زباں میں چاشنی دل ٹوٹنے سے آئی ہے
جدھر سے میرا بدن دھوپ چاٹ کر گزرا
ہوائے سرد اسی راستے سے آئی ہے
تڑپتا میں ہوں پسینہ ہے اس کے ماتھے پر
شکست دل کی صدا آئنے سے آئی ہے
کھلا ثبوت ہے یہ دشمنوں کے شب خوں کا
کہ دھول ٹھہرے ہوئے قافلے سے آئی ہے
سفر میں ساتھ مرا اور کوئی کیا دیتا
ہوا بھی میری طرف سامنے سے آئی ہے
سحر نے مجھ کو مظفرؔ نہیں کیا صیقل
مری نظر میں چمک رت جگے سے آئی ہے
Sukhan-wari hamein kab tajurbe se aayi hai
Zaban mein chashni dil tootne se aayi hai
Jidhar se mera badan dhoop chaat kar guzra
Hawa-e-sard usi raste se aayi hai
Tarapta main hoon paseena hai us ke mathe par
Shikast-e-dil ki sada aaine se aayi hai
Khula suboot hai yeh dushmanon ke shab-khoon ka
Ke dhool thehre hue qafile se aayi hai
Safar mein saath mera aur koi kya deta
Hawa bhi meri taraf samne se aayi hai
Sahar ne mujh ko Muzaffar nahin kiya saiqal
Meri nazar mein chamak rat-jage se aayi hai
مظفر وارثی
محمد مظفر الدین صدیقی المعروف 'مظفر وارثی' (23 دسمبر 1933ء – 28 جنوری 2011ء، میرٹھ / لاہور) اردو زبان کے عظیم ترین نعت گو، حمد نگار اور لازوال نغمہ نگار تھے۔ انہوں نے دربارِ وارثیہ...