تیری جھلک نگاہ کے ہر زاویے میں ہے
Teri Jhilk Nigah ke Har Zawiye mein Hai
تیری جھلک نگاہ کے ہر زاویے میں ہے
دیکھوں تو شکل اپنی مرے آئنے میں ہے
لٹکی ہوئی ہے روح کی سولی پہ زندگی
سانسوں کا سلسلہ ہے کہ رسی گلے میں ہے
کانٹوں کی پیاس نے مجھے کھینچا برہنہ پا
جیسے بھری سبیل ہر اک آبلے میں ہے
سانسوں کی اوٹ لے کے چلا ہوں چراغ دل
سینے میں جو نہیں وہ گھٹن راستے میں ہے
میری صدا کے پھول چڑھاتے ہیں مجھ پہ لوگ
زندہ تو ہوں مگر مرا فن مقبرے میں ہے
ڈالوں کہاں پڑاؤ کہ رستے بھی ہیں رواں
منزل کہاں ملے کہ وہ خود قافلے میں ہے
میں تجھ کو چاہتا ہوں گو حاصل نہ کر سکوں
لذت وہ قرب میں کہاں جو فاصلے میں ہے
پایا صلہ یہ تجھ کو مظفرؔ نے ڈھونڈھ کر
شامل اب اس کا نام بھی تیرے پتے میں ہے
Teri jhilk nigah ke har zawiye mein hai
Dekhoon to shakal apni mere aaine mein hai
Latki hui hai rooh ki sule pe zindagi
Saanson ka silsila hai ke rassi gale mein hai
Kanton ki pyaas ne mujhe khencha barihana pa
Jaise bhari sabeel har ek aable mein hai
Saanson ki aut le ke chala hoon chiragh-e-dil
Seene mein jo nahin woh ghatan raste mein hai
Meri sada ke phool charhate hain mujh pe log
Zinda to hoon magar mera fan maqbare mein hai
Dalon kahan parao ke raste bhi hain rawan
Manzil kahan mile ke woh khud qafile mein hai
Main tujh ko chahta hoon go hasil na kar sakoon
Lazzat woh qurb mein kahan jo fasle mein hai
Payala sala yeh tujh ko Muzaffar ne dhoondh kar
Shamil ab us ka naam bhi tere pate mein hai
مظفر وارثی
محمد مظفر الدین صدیقی المعروف 'مظفر وارثی' (23 دسمبر 1933ء – 28 جنوری 2011ء، میرٹھ / لاہور) اردو زبان کے عظیم ترین نعت گو، حمد نگار اور لازوال نغمہ نگار تھے۔ انہوں نے دربارِ وارثیہ...