رنجش ہی سہی دل ہی دکھانے کے لیے آ
Ranjish hi Sahi Dil hi Dukhane ke Liye Aa
رنجش ہی سہی دل ہی دکھانے کے لیے آ
آ پھر سے مجھے چھوڑ کے جانے کے لیے آ
کچھ تو مرے پندارِ محبت کا بھرم رکھ
تو بھی تو کبھی مجھ کو منانے کے لیے آ
پہلے سے مراسم نہ سہی پھر بھی کبھی تو
رسم و رہِ دنیا ہی نبھانے کے لیے آ
کس کس کو بتائیں گے جدائی کا سبب ہم
تو مجھ سے خفا ہے تو زمانے کے لیے آ
اک عمر سے ہوں لذتِ گریہ سے بھی محروم
اے راحتِ جاں مجھ کو رلانے کے لیے آ
اب تک دلِ خوش فہم کو تجھ سے ہیں امیدیں
یہ آخری شمعیں بھی بجھانے کے لیے آ
Ranjish Hi Sahi Dil Hi Dukhane Ke Liye Aa
Aa Phir Se Mujhe Chhod Ke Jaane Ke Liye Aa
Kuch To Mere Pindaar-e-Mohabbat Ka Bharam Rakh
Tu Bhi To Kabhi Mujh Ko Manane Ke Liye Aa
Pehle Se Maraasim Na Sahi Phir Bhi Kabhi To
Rasm-o-Rah-e-Duniya Hi Nibhane Ke Liye Aa
Kis Kis Ko Batayeinge Judai Ka Sabab Hum
Tu Mujh Se Khafa Hai To Zamane Ke Liye Aa
احمد فراز
سید احمد شاہ المعروف احمد فراز (12 جنوری 1931ء – 25 اگست 2008ء) پاکستان اور اردو دنیا کے سب سے مقبول، ہر دلعزیز اور رومانوی و مزاحمتی شاعری کے بے تاج بادشاہ تھے۔ آپ کوہاٹ...