پاؤ گے بخششیں قافلے میں چلو

Pao ge bakhshishein qaaflay mein chalo

Jannatein bhi milein, qaaflay mein chalo

Rizq ke dar khilein, qaaflay mein chalo

Barkatein bhi milein, qaaflay mein chalo

Zakhm bigre bharein, phore phansi mitein

Gar hon masse jharein, qaaflay mein chalo

Kaale yarqaan mein, kiyun pareshaan hain

Paayein ge sehatein, qaaflay mein chalo

Terhi hon haddiyan, hongi seedhi miyan

Dard saare mitein, qaaflay mein chalo

Dard-e-sar ho, koi dilgeer ho

Hongi hal mushkilein, qaaflay mein chalo

Garchay beemariyan, hon kahin pathriyan

Pao ge sehatein, qaaflay mein chalo

Ghar mein na-chaaqiyan, hon ya tang-dastiyan

Aayein gi barkatein, qaaflay mein chalo

Jo ke mafqood ho woh bhi maujood ho

In sha Allah chalein, qaaflay mein chalo

Door hon ge alam hoga Rabb ka karam

Gham ke maare sunein qaaflay mein chalo

Dard-e-sar ho agar dukh rahi ho kamar

Dard donon mitein, qaaflay mein chalo

Baap beemar ho, sakht bezaar ho

Paaye ga sehatein, qaaflay mein chalo

Maan jo beemar ho, qarz ka baar ho

Ranj-o-gham mat karein, qaaflay mein chalo

Waa ho baab-e-karam, door hon ranj-o-gham

Phir se khushiyan milein, qaaflay mein chalo

Zalzala aaye gar, aa ke chha jaaye gar

Sirf Haq se darein qaaflay mein chalo

Zalzala aam tha har soo kohraam tha

Is se lo ibratein qaaflay mein chalo

Zalzale se amaan, dega Rabb-e-Jahaan

Sab duayein karein, qaaflay mein chalo

Hon bapa zalzale, garchay aandhi chale

Sabr karte rahein, qaaflay mein chalo

Hai shifa hi shifa, marhaba! marhaba!

Aa ke khud dekh lein, qaaflay mein chalo

Pet mein dard ho rang bhi zard ho

Aa ke lo sehatein qaaflay mein chalo

Hai talab deed ki, deed ki eid ki

Kya ajab woh dikhein qaaflay mein chalo

Dil mein gar dard ho dar se rukh zard ho

Pao ge farhatein qaaflay mein chalo

Aafaton se na dar, rakh karam par nazar

Lene aasaaishein, qaaflay mein chalo

Aap ko chaara-gar ne go maayoos kar

Bhi diya mat darein, qaaflay mein chalo

Ghar mein an-ban na ho, koi uljhan na ho

Gham ke saaye dhalein, qaaflay mein chalo

Biwi bachay sabhi, khoob paayein khushi

Khairiyat se rahein, qaaflay mein chalo

Zauja beemar hai, qarz ka baar hai

Gham tumhaare mitein, qaaflay mein chalo

Naukri chaahiye, aaiye aaiye

Qaaflay mein chalein, qaaflay mein chalo

Gham se rote hue, jaan khote hue

Marhaba! hans parein! qaaflay mein chalo

Qalb bhi shaad ho, ghar bhi aabaad ho

Shaadiyan bhi rachein, qaaflay mein chalo

Qarz utar jaaye ga, khoob rizq aaye ga

Sab balaayein talein, qaaflay mein chalo

Gar ho irq-un-nisa aariza koi sa

De Khuda sehatein, qaaflay mein chalo

Ghar mein "ummeed" ho, is ki tamheed ho

Jald hi chal parein, qaaflay mein chalo

Zacha ki khair ho, bacha ba-khair ho

Uthein himmat karein, qaaflay mein chalo

Door beemariyan aur pareshaaniyan

Hongi bas chal parein, qaaflay mein chalo

Aa ke tum ba-adab, dekh lo fazl-e-Rabb

Madani munne milein, qaaflay mein chalo

Khoti qismat khari, god hogi hari

Munna munni milein, qaaflay mein chalo

Jaa rahe ho kahan, aao le lo dua

Dete Attar hain, qaaflay mein chalo