نکھر سکا نہ بدن چاندنی میں سونے سے
Nikhar Saka na Badan Chandni mein Sone se
نکھر سکا نہ بدن چاندنی میں سونے سے
سحر ہوئی تو خراشیں چنیں بچھونے سے
صدف لیے ہوئے ابھری ہے لاش بھی میری
بچا رہے تھے مجھے لوگ غرق ہونے سے
ہنر ہے تجھ میں تو قائل بھی کر زمانے کو
چمک اٹھے گی نہ شکل آئنے کو دھونے سے
لپٹ رہی ہیں مرے راستوں سے روشنیاں
نظر میں لوگ ہیں کچھ سانولے سلونے سے
لگا کے زخم بہانے چلا ہے اب آنسو
رکا ہے خون کہیں پٹیاں بھگونے سے
ہمیں نہ ہوں کہیں دیکھو تو غور سے لوگو
ہیں طفل وقت کے ہاتھوں میں کچھ کھلونے سے
مرے دکھوں سے بھی کچھ فائدہ اٹھا دنیا
زمیں کی پیاس بجھے بادلوں کے رونے سے
لہو رگوں میں مظفرؔ چھڑائے مہتابی
ملے ہے کیا اسے چنگاریاں چبھونے سے
Nikhar saka na badan chandni mein sone se
Sahar hui to kharashein chunen bichone se
Sadaf liye hue ubhri hai lash bhi meri
Bacha rahe the mujhe log gharq hone se
Hunar hai tujh mein to qail bhi kar zamane ko
Chamak uthe gi na shakal aaine ko dhone se
Lipat rahi hain mere raston se roshniyan
Nazar mein log hain kuch sanwale salone se
Laga ke zakhm bahane chala hai ab aansu
Ruka hai khoon kahin patiyan bhegone se
Hamein na hon kahin dekho to ghaur se logo
Hain tifl-e-waqt ke hathon mein kuch khilone se
Mere dukhon se bhi kuch faida utha duniya
Zameen ki pyaas bujhe badlon ke rone se
Lahu ragon mein Muzaffar chhiraye mahtabi
Mile hai kya use chingariyan chubhone se
مظفر وارثی
محمد مظفر الدین صدیقی المعروف 'مظفر وارثی' (23 دسمبر 1933ء – 28 جنوری 2011ء، میرٹھ / لاہور) اردو زبان کے عظیم ترین نعت گو، حمد نگار اور لازوال نغمہ نگار تھے۔ انہوں نے دربارِ وارثیہ...