کچھ ایسا اترا میں اس سنگ دل کے شیشے میں
Kuch Aisa Utra Main Us Sang-Dil ke Sheeshe mein
کچھ ایسا اترا میں اس سنگ دل کے شیشے میں
کہ چند سانس بھی آئے نہ اپنے حصے میں
وہ ایک ایسے سمندر کے روپ میں آیا
کہ عمر کٹ گئی جس کو عبور کرنے میں
مجھے خود اپنی طلب کا نہیں ہے اندازہ
یہ کائنات بھی تھوڑی ہے میرے کاسے میں
ملی تو ہے مری تنہائیوں کو آزادی
جڑی ہوئی ہیں کچھ آنکھیں مگر دریچے میں
غنیم بھی کوئی مجھ کو نظر نہیں آتا
گھرا ہوا بھی ہوں چاروں طرف سے خطرے میں
مرا شعور بھی شاید وہ طفل کمسن ہے
بچھڑ گیا ہے جو گمراہیوں کے میلے میں
ہنر ہے شاعری شطرنج شوق ہے میرا
یہ جائداد مظفرؔ ملی ہے ورثے میں
Kuch aisa utra main us sang-dil ke sheeshe mein
Ke chand saans bhi aaye na apne hisse mein
Woh ek aise samandar ke roop mein aaya
Ke umr kat gayi jis ko uboor karne mein
Mujhe khud apni talab ka nahin hai andaza
Yeh kainat bhi thodi hai mere kase mein
Mili to hai meri tanhaiyon ko azadi
Jadi hui hain kuch aankhein magar dareeche mein
Ghanim bhi koi mujh ko nazar nahin aata
Ghira hua bhi hoon chaaron taraf se khatre mein
Mera shuoor bhi shayad woh tifl-e-kam-sin hai
Bichhad gaya hai jo gumrahiyon ke mele mein
Hunar hai shairi shatranj shauq hai mera
Yeh jaidad Muzaffar mili hai wirse mein
مظفر وارثی
محمد مظفر الدین صدیقی المعروف 'مظفر وارثی' (23 دسمبر 1933ء – 28 جنوری 2011ء، میرٹھ / لاہور) اردو زبان کے عظیم ترین نعت گو، حمد نگار اور لازوال نغمہ نگار تھے۔ انہوں نے دربارِ وارثیہ...