مگر اس دل کی ویرانی

Magar Is Dil ki Weerani

پروین شاکر عہدِ جدید

فونٹ سائز:

100%

پس منظر:

تمہارا ہاتھ میرے ہاتھ میں ہے

اور اسکی خوش اثر حدّت

مرے اندر طلسمی رنگ پھولوں کی نئی دنیا کھلانے میں مگن ہے

تمہارے لب پہ میرے نام کا تارہ چمکتا ہے

تو مری روح ایسے جگمگا اٹھتی ہے

جیسے آئینے میں چاند اتر آئے

مری پلکوں سے آنسو چوم کر

تم نے انہیں موتی بنانے کی جو ضد کی ہے

وہ ضد مجھکو بہت اچھی لگی ہے

بہت خوش ہوں

کہ میرے سر پہ چادر رکھنے والا ہاتھ

میرے ہاتھ میں پھر آگیا ہے

یہ پھول اور یہ ستارے اور یہ موتی

مجھکو قسمت سے ملے ہیں

اور اتنے ہیں کہ گنتی میں نہیں آتے

مگر اس دل کی ویرانی۔۔۔۔۔۔!

Tumhara haath Mere haath mein hai

Aur Uski Khush Asar hdt

Mare andar tlsmi rang Phoolon ki nayi duniya khlaney mein mgn hai

Tumhare Lab pe Mere Naam ka Tarah Chamakta hai

To mri Rooh aise jgmga Uthti hai

Jaise aainey mein Chaand Uttar aaye

Mri plkon se Aansoo Choom kar

Tum Ne Unhein Moti Banane ki jo zid ki hai

Woh zid mjhko bahut Achhi lgi hai

Bahut Khush hoon

Ke Mere sar pe Chadar rkhney vala haath

Mere haath mein phir aagia hai

Yeh Phool aur yeh Sitaare aur yeh Moti

Mjhko qismat se mile hain

Aur atney hain ke ginti mein nahin aate

Magar Is Dil ki oirani

نظم

Comment

تعارفِ شاعر

پروین شاکر

🏛️ عہدِ جدید ⏳ 24 نومبر 1952 — 26 دسمبر 1994 📍 کراچی، پاکستان

پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...