کفر و اسلام

Aik Din Iqbal Ne Pucha Kaleem-e-Toor Se

Ae Ke Tere Naqsh-e-Pa Se Wadi Seena-e-Chaman

Aatish-e-Namrood Hai Ab Tak Jahan Mein Shaola Raiz

Ho Gya Ankhon Se Pinhan Kyun Tera Souz-e-Kuhan

Tha Jawab-e-Sahib-e-Seena Ke Muslim Hai Agar

Chor Kar Ghaeeb Ko Tu Hazir Ka Shedai Na Ban

Zauq-e-Hazir Hai Tou Phir Lazim Hai Iman-e-Khalil (A.S.)

Warna Khakstar Hai Teri Zindagi Ka Pairhan

Hai Agar Diwana-e-Ghaeeb To Kuch Parwa Na Kar

Muntazir Reh Wadi-e-Faran Mein Ho Kar Khema Zan

Aarzi Hai Shan-e-Hazir, Sitwat-e-Ghaeeb Madaam

Iss Sadaqat Ko Mohabbat Se Hai Rabt-e-Jaan-o-Tan

Shaola-E-Namrood Hai Roshan Zamane Mein To Kya

Shama Khud Ra Mee Gudazd Darmian-e-Anjuman