کچھ نہیں مانگتا شاہوں سے یہ شیدا تیرا
Kuch Nahi Mangta Shahoun Sy Yeh Sheeda Tera
کچھ نہیں مانگتا شاہوں سے یہ شیدا تیرا
اس کی دولت ہے فقط نقش کف پا تیرا
تہ بہ تہ تیرگیاں ذہن پہ جب ٹوٹتی ہیں
نور ہو جاتا ہے کچھ اور ہویدا تیرا
کچھ نہیں سوجھتا جب پیاس کی شدت سے مجھے
چھلک اٹھتا ہے مری روح میں مینا تیرا
پورے قد سے میں کھڑا ہوں تو یہ تیرا ہے کرم
مجھ کو جھکنے نہیں دیتا ہے سہارا تیرا
دستگیری مری تنہائی کی تو نے ہی تو کی
میں تو مر جاتا اگر ساتھ نہ ہوتا تیرا
لوگ کہتے ہیں کہ سایہ ترے پیکر کا نہ تھا
میں تو کہتا ہوں جہاں بھر پہ ہے سایہ تیرا
تو بشر بھی ہے مگر فخر بشر بھی تو ہے
مجھ کو تو یاد ہے بس اتنا سراپا تیرا
میں تجھے عالم اشیا میں بھی پا لیتا ہوں
لوگ کہتے ہیں کہ ہے عالم بالا تیرا
میری آنکھوں سے جو ڈھونڈھیں تجھے ہر سو دیکھیں
صرف خلوت میں جو کرتے ہیں نظارا تیرا
وہ اندھیروں سے بھی درانہ گزر جاتے ہیں
جن کے ماتھے میں چمکتا ہے ستارا تیرا
ندیاں بن کے پہاڑوں میں تو سب گھومتے ہیں
ریگزاروں میں بھی بہتا رہا دریا تیرا
شرق اور غرب میں بکھرے ہوئے گلزاروں کو
نکہتیں بانٹتا ہے آج بھی صحرا تیرا
اب بھی ظلمات فروشوں کو گلہ ہے تجھ سے
رات باقی تھی کہ سورج نکل آیا تیرا
تجھ سے پہلے کا جو ماضی تھا ہزاروں کا سہی
اب جو تا حشر کا فردا ہے وہ تنہا تیرا
ایک بار اور بھی بطحا سے فلسطین میں آ
راستہ دیکھتی ہے مسجد اقصیٰ تیرا
Kuch nahin maangta shahon se yeh shaida Tera
Is ki daulat hai fqt nqsh kf paa Tera
Tah bah tah tirgian Zehn pe jab totti hain
Noor ho jaata hai Kuch aur hoida Tera
Kuch nahin sojhta jab payaas ki shiddat se Mujhe
Chhlk athta hai mri Rooh mein mina Tera
Poore Qad se mein Khada hoon to yeh Tera hai Karam
Mujh ko jhkney nahin deta hai sahara Tera
Dstgiri mri tanhai ki to Ne hi to ki
Mein to Mar jaata Agar saath na hota Tera
Log kehte hain ke saaya trey Paikar ka na tha
Mein to kehta hoon jahan bhr pe hai saaya Tera
To bshr bhi hai magar fakhr bshr bhi to hai
Mujh ko to Yaad hai bas Itna srapa Tera
Mein Tujhe alam ashia mein bhi paa leta hoon
Log kehte hain ke hai alam bala Tera
Meri Aankhon se jo dhondhin Tujhe Har Sau dekhein
Sirf khlot mein jo karte hain nzara Tera
Woh Andheron se bhi dranh gazar jaate hain
Jin ke Maathe mein Chamakta hai stara Tera
Nadiyan ban ke Paharon mein to Sab ghomtey hain
Rigzaron mein bhi bhta Raha Darya Tera
Shrq aur ghrb mein bkhrey hue glzaron ko
Nkhtin bantta hai aaj bhi Sehra Tera
Ab bhi zlmat froshon ko gila hai tujh se
Raat Baqi thi ke Sooraj nkl aaya Tera
Tujh se Pehle ka jo Maazi tha Hazaaron ka shi
Ab jo ta Hashr ka Farda hai woh tanha Tera
Ek Baar aur bhi btha se filistin mein aa
Raasta dekhti hai masjid aqsi Tera
احمد ندیم قاسمی
احمد شاہ اعوان المعروف احمد ندیم قاسمیؔ (20 نومبر 1916ء – 10 جولائی 2006ء) اردو ادب کے عہد ساز شاعر، صفِ اول کے افسانہ نگار، جلیل القدر صحافی اور تاریخی ادبی جریدے 'فنون' کے مدیر...