کو بہ کو پھیل گئی بات شناسائی کی
Ku Ba Ku Phail Gai Bat Shanasai ki
کو بہ کو پھیل گئی بات شناسائی کی
اس نے خوشبو کی طرح میری پذیرائی کی
کیسے کہہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائی کی
وہ کہیں بھی گیا لوٹا تو مرے پاس آیا
بس یہی بات ہے اچھی مرے ہرجائی کی
تیرا پہلو ترے دل کی طرح آباد رہے
تجھ پہ گزرے نہ قیامت شب تنہائی کی
اس نے جلتی ہوئی پیشانی پہ جب ہاتھ رکھا
روح تک آ گئی تاثیر مسیحائی کی
اب بھی برسات کی راتوں میں بدن ٹوٹتا ہے
جاگ اٹھتی ہیں عجب خواہشیں انگڑائی کی
Koo-Ba-Koo Phail Gai Baat Shanasaai Ki
Us Ne Khushboo Ki Tarah Meri Paziraai Ki
Kaise Kah Doon Ki Mujhe Chhod Diyaa Hai Us Ne
Baat To Sach Hai Magar Baat Hai Rusvaai Ki
Wo Kahin Bhi Gayaa Lautaa To Mere Paas Aayaa
Bas Yahi Baat Hai Achchhi Mere Harajaai Ki
Teraa Pahaloo Tere Dil Ki Tarah Aabaad Rahe
Tujh Pe Guzare Na Qayaamat Shab-E-Tanhaai Ki
Us Ne Jalti Hui Peshaani Pe Jo Haath Rakha
Rooh Tak Aa Gai Taasir Masihaai Ki
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...