کوئی امید بر نہیں آتی
Koi Ummeed Bar Nahin Aati
کوئی امید بر نہیں آتی
کوئی صورت نظر نہیں آتی
موت کا ایک دن معین ہے
نیند کیوں رات بھر نہیں آتی
آگے آتی تھی حالِ دل پہ ہنسی
اب کسی بات پر نہیں آتی
جانتا ہوں ثوابِ طاعت و زہد
پر طبیعت ادھر نہیں آتی
ہے کچھ ایسی ہی بات جو چپ ہوں
ورنہ کیا بات کر نہیں آتی
ہم وہاں ہیں جہاں سے ہم کو بھی
کچھ ہماری خبر نہیں آتی
مرتے ہیں خامشی کی حسرت میں
نطق نے سوکھ کر زباں بخشی
کعبے کس منہ سے جاؤ گے غالبؔ
شرم تم کو مگر نہیں آتی
Koi Ummeed Bar Nahin Aati
Koi Soorat Nazar Nahin Aati
Maut Ka Ek Din Muayyan Hai
Neend Kyun Raat Bhar Nahin Aati
Aage Aati Thi Haal-e-Dil Pe Hansi
Ab Kisi Baat Par Nahin Aati
Kaabe Kis Munh Se Jao Ge Ghalib
Sharm Tum Ko Magar Nahin Aati
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...