دل ناداں تجھے ہوا کیا ہے
Dil Nadan Tujhe Hua Kya Hai
دل ناداں تجھے ہوا کیا ہے
آخر اس درد کی دوا کیا ہے
ہم ہیں مشتاق اور وہ بیزار
یا الٰہی یہ ماجرا کیا ہے
میں بھی منہ میں زبان رکھتا ہوں
کاش پوچھو کہ مدعا کیا ہے
جب کہ تجھ بن نہیں کوئی موجود
پھر یہ ہنگامہ اے خدا کیا ہے
یہ پری چہرہ لوگ کیسے ہیں
غمزہ و عشوہ و ادا کیا ہے
شکن زلف عنبریں کیوں ہے
نگہ چشم سرمہ سا کیا ہے
سبزہ و گل کہاں سے آئے ہیں
ابر کیا چیز ہے ہوا کیا ہے
ہم کو ان سے وفا کی ہے امید
جو نہیں جانتے وفا کیا ہے
ہاں بھلا کر ترا بھلا ہوگا
اور درویش کی صدا کیا ہے
جان تم پر نثار کرتا ہوں
میں نہیں جانتا دعا کیا ہے
میں نے مانا کہ کچھ نہیں غالبؔ
مفت ہاتھ آئے تو برا کیا ہے
Dil nadan tujhe hua kya hai
Aakhir is dard ki dawa kya hai
Hum hain mushtaq aur woh bezaar
Ya Ilahi yeh majra kya hai
Main bhi munh mein zaban rakhta hoon
Kaash poochho ke mudda kya hai
Jab ke tujh bin nahin koi maujood
Phir yeh hangama ae Khuda kya hai
Yeh pari-chehra log kaise hain
Ghamza-o-ishwa-o-ada kya hai
Shikan-e-zulf-e-anbareen kyun hai
Nigah-e-chashm-e-surma-sa kya hai
Sabza-o-gul kahan se aaye hain
Abr kya cheez hai hawa kya hai
Hum ko un se wafa ki hai ummeed
Jo nahin jante wafa kya hai
Han bhala kar tera bhala hoga
Aur darvesh ki sada kya hai
Jaan tum pe nisar karta hoon
Main nahin janta dua kya hai
Main ne mana ke kuch nahin Ghalib
Muft haath aaye to bura kya hai
مرزا غالب
مرزا اسد اللہ خان غالب (27 دسمبر 1797ء – 15 فروری 1869ء) اردو اور فارسی زبان کے سب سے بڑے، سب سے زیادہ پڑھے جانے والے اور عہد ساز کلاسیکی شاعر اور نثری ادیب تھے۔...