جو آستاں سے ترے کوئی لگائے بیٹھے ہیں
Jo Aastaan se Tere Koi Lagaye Bethay Hain
جو آستاں سے ترے کوئی لگائے بیٹھے ہیں
خدا گواہ ، وہ دنیا پر چھائے بیٹھے ہیں
چمک رہی ہیں جبینیں ترے فقیروں کی
تجلیات کے سرے سجائے بیٹھے ہیں
خدا کے واسطے اب کھول اُن پہ بابِ عطا
جو دیر سے تری چوکھٹ پہ آئے بیٹھے ہیں
جلائے گی اُنہیں اب کیا چمن میں برق فلک
جو آشیانہ ہستی جلائے بیٹھے ہیں
بڑے بڑوں کے سروں سے اُتر رہا ہے خمار
وہ آج خیر سے محفل پہ چھائے بیٹھے ہیں
جہاں بھی جائیے اُن کے ستم کا چرچا ہے
وہ ساری خلق میں طوفاں اُٹھائے بیٹھے ہیں
مجال ہے جو کوئی لب ہلے سرِ محفل
وہ ایک ایک کو آنکھیں دکھائے بیٹھے ہیں
یہ ایک ہم ہیں کہ اپنوں کے دل نہ جیت سکے
وہ دشمنوں کو بھی اپنا بنائے بیٹھے ہیں
اجل بھی ہم کو اُٹھانے پہ اب نہیں قادر
یہاں ہم آج کسی کے بٹھائے بیٹھے ہیں
وفا کے نام پہ ، دشمن کا امتحاں بھی سہی
کہ دوستوں کو تو ہم آزمائے بیٹھے ہیں
نصیر ! ہم میں تو اپنوں کی کوئی بات نہیں
کرم ہے اُن کا ، جو اپنا بنائے بیٹھے ہیں
Jo aastaan se tere koi lagaye bethay hain
Khuda gawah, woh duniya par chhaye bethay hain
Chamak rahi hain jabeenein tere faqeeron ki
Tajalliyat ke saray sajaye bethay hain
Khuda ke waastay ab khol un pe baab-e-ata
Jo dair se teri chaukhat pe aaye bethay hain
Jalayegi unhein ab kya chaman mein barq-e-falak
Jo aashiyana-e-hasti jalaye bethay hain
Baray baron ke saron se utar raha hai khumaar
Woh aaj khair se mehfil pe chhaye bethay hain
Jahan bhi jaiye un ke sitam ka charcha hai
Woh saari khalq mein toofan uthaye bethay hain
Majaal hai jo koi lab hilay sar-e-mehfil
Woh ik ik ko aankhein dikhaye bethay hain
Yeh ik hum hain ke apnon ke dil na jeet sakay
Woh dushmanon ko bhi apna banaye bethay hain
Ajal bhi hum ko uthane pe ab nahi qadir
Yahan hum aaj kisi ke bithaye bethay hain
Wafa ke naam pe, dushman ka imtihaan bhi sahi
Ke doston ko to hum aazmaye bethay hain
Naseer! hum mein to apnon ki koi baat nahi
Karam hai un ka, jo apna banaye bethay hain
پیر نصیر الدین نصیر گیلانیؒ
سید پیر نصیر الدین نصیر گیلانیؒ (14 نومبر 1949ء – 13 فروری 2009ء، گولڑہ شریف، اسلام آباد) خانقاہِ عالیہ گولڑہ شریف کے سجادہ نشین، عظیم صوفی بزرگ، محقق اور قادر الکلام شاعر تھے۔ وہ حضرت...