جب ساز کی لے بدل گئی تھی
Jab Saz ki Lai Badal Gai Thi
جب ساز کی لے بدل گئی تھی
وہ رقص کی کون سی گھڑی تھی
اب یاد نہیں کہ زندگی میں
میں آخری بار کب ہنسی تھی
جب کچھ بھی نہ تھا یہاں پہ ماقبل
دنیا کس چیز سے بنی تھی
مٹھی میں تو رنگ تھے ہزاروں
بس ہاتھ سے ریت بہہ رہی تھی
ہے عکس تو آئنہ کہاں ہے
تمثیل یہ کس جہان کی تھی
ہم کس کی زبان بولتے ہیں
گر ذہن میں بات دوسری تھی
تنہا ہے اگر ازل سے انساں
یہ بزم کلام کیوں سجی تھی
تھا آگ ہی گر مرا مقدر
کیوں خاک میں پھر شفا رکھی تھی
کیوں موڑ بدل گئی کہانی
پہلے سے اگر لکھی ہوئی تھی
Jab Saaz ki le bdl gi thi
Woh Raqs ki kaun si Ghadi thi
Ab Yaad nahin ke Zindagi mein
Mein Aakhri Baar kab Hansi thi
Jab Kuch bhi na tha yahan pe maqbl
Duniya Kis ciz se bni thi
Muthi mein to rang the hzaron
Bas haath se Ret bhh rhi thi
Hai aks to aanh kahan hai
Tmsil yeh Kis Jahan ki thi
Hum Kis ki zabaan bolte hain
Gir Zehn mein Baat Doosri thi
Tanha hai Agar Azal se ansan
Yeh bzm kalam kyun sji thi
Tha aag hi Gir Mara mqdr
Kyun Khaak mein phir shifa rkhi thi
Kyun Mor bdl gi Kahani
Pehle se Agar lkhi hui thi
پروین شاکر
پروین شاکر (24 نومبر 1952ء – 26 دسمبر 1994ء) اردو ادب کی صفِ اول کی عظیم شاعرہ، ادیبہ اور معلمہ تھیں۔ ان کا تعلق پاکستان سے تھا۔ پروین شاکر کو نسائی احساسات اور نازک جذبوں...