عشق اور موت

Suhani numood-e-jahan ki ghadi thi

Tabsum-fashan zindagi ki kali thi

Kahin muhar ko taj-e-zar mil raha tha

Ata chand ko chandni ho rahi thi

Siyah pairhan shaam ko de rahe the

Sitaron ko taalim-e-tabandagi thi

Kahin shakh-e-hasti ko lagte the patte

Kahin zindagi ki kali footti thi

Farishte sikhate the shabnam ko rona

Hansi gul ko pehle-pahal aa rahi thi

Ata dard hota tha shair ke dil ko

Khudi tishna-kam may-e-be-khudi thi

Uthi awal awal ghata kali kali

Koi hoor choti ko khole khadi thi

Zameen ko tha dawa ki main asman hoon

Makan keh raha tha ki main la-makan hoon

Garz is kadar ye nazara tha pyara

Ki nazargi ho sarapa nazara

Mulk aazmate the parwaz apni

Jabeenon se noor-e-azal ashkara

Farishte tha ik ishq tha naam jis ka

Ki thi rahbari us ki sab ka sahara

Farishte ki putla tha be-tabiyon ka

Mulk ka mulk aur pare ka para

Paay sair-e-firdous ko ja raha tha

Qaza se mila raah mein wo qaza-ra

Ye poocha tera naam kya kaam kya hai

Nahi aankh ko deed teri gawara

Hua sun ke goya qaza ka farishte

Azal hoon mira kaam hai ashkara

Udati hoon main rakht-e-hasti ke purze

Bujhati hoon main zindagi ka sharara

Meri aankh mein jadoo-e-nisti hai

Payam-e-fana hai usi ka ishara

Magar ek hasti hai duniya mein aisi

Wo aatish hai main samne us ke para

Sharar ban ke rehti hai insan ke dil mein

Wo hai noor-e-mutlaq ki aankhon ka tara

Tapakti hai aankhon se ban ban ke aansoo

Wo aansoo ki ho jin ki talkhi gawara

Suni ishq ne guftugu jab qaza ki

Hansi us ke lab par hui ashkara

Giri is tabsum ki bijli azal par

Andhere ka ho noor mein kya guzara

Baqa ko jo dekha fana ho gayi wo

Qaza thi shikaar qaza ho gayi wo