گورستان شاہی

Goristan-e-Shahi

The Royal Cemetery

Asman, Badal Ka Pehne Kharqa-e-Dairina Hai

Kuch Mukddar Sa Jabeen-e-Mah Ka Aaeena Hai

Chandni Pheeki Hai Iss Nazara-e-Khamosh Mein

Subah-e-Sadiq So Rahi Hai Raat Ki Aghosh Mein

Kis Qadar Ashjaar Ki Hairat Faza Hai Khamashi

Barbat-e-Qudrat Ki Dheemi Si Nawa Hai Khamashi

Batin-e-Har Zarra-e-Alam Sarapa Dard Hai

Aur Khamoshi Lab-e-Hasti Pe Aah-e-Sard Hai

Aah! Joulan-Gah Alamgeer Yani Woh Hisar

Dosh Par Apne Uthaye Saikron Sadiyon Ka Bar

Zindagi Se Tha Kabhi Maamoor, Ab Sunsaan Hai

Ye Khamoshi Iss Ke Hangamon Ka Goristan Hai

Apne Sukkaan-e-Kuhan Ki Khak Ka Dildah Hai

Koh Ke Sar Par Missal-e-Pasban Istada Hai

Abar Ke Rozan Se Woh Balaye Baam-e-Asman

Naazar-e-Alam Hai Najam-e-Sabz Faam-e-Asman

Khak Bazi Wussat-e-Dunya Ka Hai Manzar Isse

Dastan Nakami-e-Insan Ki Hai Azbar Isse

Hai Azal Se Ye Musafir Sooye Manzil Ja Raha

Asman Se Inqalabon Ka Tamasha Dekhta

Go Sukoon Mumkin Nahin Alam Mein Akhtar Ke Liye

Fateha Khawani Ko Ye Thehra Hai Dam Bhar Ke Liye

Rang-o-Aab-e-Zindagi Se Gul Ba-Daman Hai Zameen

Saikron Khoon Gashta Tehzeebon Ka Madfan Hai Zameen

Khawab Gah Shahon Ki Hai Ye Manzil-e-Hasrat Fiza

Dida-e-Ibrat! Kharaaj-e-Ashak-e-Gulgoon Kar Ada

Hai Tu Goristan Magar Ye Khak Gardoon Paya Hai

Aah! Ek Bargashta Qismat Qoum Ka Sarmaya Hai

Maqbaron Ki Shan Hairat Afreen Hai Iss Qadr

Junbish-e-Mazgan Se Hai Chashm-e-Tamasha Ko Hazr

Kaifiat Aesi Hai Nakami Ki Iss Tasveer Mein

Jo Uter Sakti Nahin Aaeena-e-Tehreer Mein

Sote Hain Khamosh, Abadi Ke Hangamon Se Door

Muztarib Rakhti Thi Jin Ko Arzu-e-Na-Saboor

Qabr Ki Zulmat Mein Hai Un Aftabon Ki Chamak

Jin Ke Darwazon Pe Rehta Tha Jabeen-Gastar Falak

Kya Yehi Hai Un Shehenshahon Ki Azmat Ka Ma’al

Jin Ki Tadbeer-e-Jahan Bani Se Darta Tha Zawal

Roab-e-Faghfoori Ho Dunya Mein Ke Shan-e-Qaisari

Tal Nahin Sakti Ghaneem-e-Mout Ki Yorish Kabhi

Badshahon Ki Bhi Kisht-e-Umar Ka Hasil Hai Gaur

Jadah-e-Azmat Ki Goya Akhri Manzil Hai Gaur

Sourish-e-Bazm-e-Tarab Kya, Uood Ki Taqdeer Kya

Dard Mandan-e-Jahan Ka Nala-e-Shabgeer Kya

Arsa-e-Paikar Mein Hangama-e-Shamsheer Kya

Khoon Ko Garmane Wala Nara-e-Takbeer Kya

Ab Koi Awaz Soton Ko Jaga Sakti Nahin

Seena-e-Weeran Mein Jaan-e-Rafta Aa Sakti Nahin

Rooh, Musht-e-Khak Mein Zehmat Kash-e-Baidad Hai

Koocha Gard-e-Ne Huwa Jis Dam Nafas, Faryad Hai

Zindagi Insan Ki Hai Manid-e-Murgh-e-Khush Nawa

Shakh Par Baitha, Koi Dam Chehchaya, Urh Gya

Aah! Kya Aye Riyaz-e-Dehr Mein Hum, Kya Gye!

Zindagi Ki Shakh Se Phoote, Khile, Murjha Gye

Mout Har Shah-o-Gada Ke Khawab Ki Tabeer Hai

Iss Sitam-Gar Ka Sitam Insaf Ki Tasveer Hai

Silsila Hasti Ka Hai Ek Behr-e-Na Paida Kinar

Aur Iss Darye Be Payan Ki Moujain Hain Mazar

Ae Hawas! Khoonro Ke Hai Ye Zindagi Be- Etibar

Ye Sharare Ka Tabassum, Ye Khs-e-Atish Sawar

Chand, Jo Soorat Gar-e-Hasti Ka Ek Ejaz Hai

Pehnaye Seemabi Qaba Mehv-e-Kharaam-e-Naz Hai

Charkh-e-Be-Anjum Ki Dehshat-Naak Wussat Mein Magar

Bekasi Iss Ki Koi Dekhe Zara Waqt-e-Sehar

Ek Zara Sa Abar Ka Tukra Hai, Jo Mehtab Tha

Akhri Ansu Tapak Jane Mein Hi Jis Ki Fana

Zindagi Aqwam Ki Bhi Hai Yunhi Be-Etibar

Ranghaye-e-Rafta Ki Tasveer Hai Un Ki Bahar

Iss Zayan Khane Mein Koi Millat-e-Gardoon Waqar

Reh Nahin Sakti Abad Tak Bar-e-Dosh-e-Rozgar

Iss Qadar Qoumon Ki Barbadi Se Hai Khugar Jahan

Dekhta Be-Itnayi Se Hai Ye Manzar Jahan

Aik Soorat Par Nahin Rehta Kisi Shay Ko Qarar

Zauq-e-Jiddat Se Hai Tarkeeb-e-Mazaj-e-Rozgar

Hai Nageen-e-Dehr Ki Zeenat Hamesha Naam-e-Nau

Madar-e-Geeti Rahi Aabastan-e-Aqwam-e-Nau

Hai Hazaron Qaflon Se Ashna Ye Reh Guzr

Chashm-e-Koh-e-Noor Ne Dekhe Hain Kitne Tajwar

Misr-o-Babil Mit Gye, Baqi Nishan Tak Bhi Nahin

Daftar-e-Hasti Mein In Ki Dastan Takbhi Nahin

Adabaya Mehr-e-Iran Ko Ajal Ki Sham Ne

Azmat-e-Yunan-o-Ruma Loot Li Ayyam Ne

Aah! Muslim Bhi Zamane Se Yunhi Rukhsat Huwa

Asman Se Abar-e-Aazari Utha, Barsa, Gya

Hai Rag-e-Gul Subah Ke Ashakon Se Moti Ki Lari

Koi Suraj Ki Kiran Shabnam Mein Hai Uljhi Huwi

Seena-e-Darya Shuaon Ke Liye Gehwara Hai

Kis Qadar Pyara Lab-e-Joo Mehr Ka Nazzara Hai

Mehv-e-Zeenat Hai Sanobar, Juebar Aaeena Hai

Ghuncha-e-Gul Ke Liye Bad-e-Bahar Aaeena Hai

Na’ara Zan Rehti Hai Koel Bagh Ke Kashane Mein

Chashm-e-Insan Se Nihan, Patton Ke Uzlat Khane Mein

Aur Bulbul, Mutrib Rangeen Nawaye Gulistan

Jis Ke Dam Se Zinda Hai Goya Hawaye Gulistan

Ishq Ke Hangamon Ke Urti Huwi Tasveer Hai

Khama-e-Qudrat Ki Kaisi Shoukh Ye Tehreer Hai

Bagh Mein Khamosh Jalse Gulistan Zadon Ke Hain

Wadi-e-Kuhsar Mein Na’are Shaban Zadon Ke Hain

Zindagi Se Ye Purana Khakdan Maamoor Hai

Mout Mein Bhi Zindagaani Ki Tarap Mastoor Hai

Patiyan Phoolon Ki Girti Hain Khazan Mein Iss Tarah

Dast-e-Tifl-e-Khufta Se Rangeen Khilone Jis Tarah

Iss Nishat Abad Mein Go Aysh Be-Andaza Hai

Aik Gham, Yani Gham-e-Millat Hamesha Taza Hai

Dil Humare Yad-e-Ehd-e-Rafta Se Khali Nahin

Apne Shahon Ko Ye Ummat Bhoolne Wali Nahin

Ashak Bari Ke Bahane Hain Ye Ujre Baam-o-Dar

Girya-e-Peham Se Beena Hai Humari Chasm-e-Tar

Dehr Ko Dete Hain Moti Dida-e-Giryan Ke Hum

Akhri Badal Hain Ek Guzre Huwe Toofan Ke Hum

Hain Abhi Sad Ha Guhariss Abar Ki Aghosh Mein

Barq Abhi Baqi Hai Iss Ke Seena-e-Khamosh Mein

Wadi-e-Gul, Khak-e-Sehra Ko Bana Sakta Hai Ye

Khawab Se Umeed-e-Dehqan Ko Jaga Sakta Hai Ye

Ho Chukka Go Qoum Ki Shan-e-Jalali Ka Zahoor

Hai Magar Baqi Abhi Shan-e-Jamali Ka Zahoor