غم کے بادل چھٹیں قافلے میں چلو

Gham ke badal chhatein qaaflay mein chalo

Khoob khushiyan milein qaaflay mein chalo

Fautagi ho gayi, gham gaya hai koi

Maangne rehmatein, qaaflay mein chalo

Maango aa kar dua, pao ge mudda'a

Dar karam ke khilein, qaaflay mein chalo

Achhi sohbat mile, khoob barkat mile

Chal paro chal parein qaaflay mein chalo

Loot lein rehmatein, khoob lein barkatein

Khwaab achhe dikhein, qaaflay mein chalo

Kufr ki kaalkein, door hon zulmatein

Aao koshish karein, qaaflay mein chalo

Rabb ke dar par jhukein, iltijayein karein

Baab-e-rehmat khilein, qaaflay mein chalo

Hai Nabi ki nazar, qaaflay walon par

Pao ge raahatein, qaaflay mein chalo

Saadgi chahiye, aajizi chahiye

Layne yeh ne'matein, qaaflay mein chalo

Aashiqan-e-Rasool, laaye sunnat ke phool

Aao layne chalein, qaaflay mein chalo

Dete hain faiz-e-aam, awliya-e-kiraam

Lootne sab chalein, qaaflay mein chalo

Awliya ka karam, tum pe ho la-jiram

Khoob jalway milein, qaaflay mein chalo

Khwaab mein dar lage, bojh dil par lage

Aaiye chal parein, qaaflay mein chalo

Ghaibi imdaad ho, ghar bhi aabaad ho

Lutf-e-Haq dekh lein, qaaflay mein chalo

Tangdasti mite, door aafat hate

Layne ko barkatein, qaaflay mein chalo

Be-amal ba-amal ban gaye khaas kar

Aap bhi dekh lein qaaflay mein chalo

Khoob hoga sawab aur talay ga azaab

Pao ge bakhshishein, qaaflay mein chalo

Aap a'maal-e-bad aur af'aal-e-bad

Se jo bezaar hain, qaaflay mein chalo

Kar safar aayein ge, to sudhar jayein ge

Ab na susti karein, qaaflay mein chalo

Dil pe gar zang ho, saara ghar tang ho

Daagh saaray dhulein, qaaflay mein chalo

Aisa faizaan ho, hifz-e-Quran ho

Khoob khushiyan milein, qaaflay mein chalo

Aashiq-e-qaafla ban ke ghar lo bana

Qalb-e-Attar mein qaaflay mein chalo