فلسفۂ غم

Falsafa-e-Gham

(Mian Fazal Hussain Sahib Barrister Law Lahore Ke Naam)

Go Sarapa Kaif-e-Ishrat Hai Sharab-e-Zindagi

Ashak Bhi Rakhta Hai Daman Mein Sihab-e-Zindagi

Mouj-e-Gham Par Raqs Karta Hai Habab-e-Zindagi

Hai ‘Alam’ Ka Surah Bhi Juzw-e-Kitab-e-Zindagi

Aik Bhi Patti Agar Kam Ho To Woh Gul Hi Nahin

Jo Khazan Na-Deedah Ho Bulbul, Woh Bulbul Hi Nahin

Arzoo Ke Khoon Se Rangeen Hai Dil Ki Dastan

Naghma-e-Insaniat Kamil Nahin Ghair Az Faghan

Didah-e-Beena Mein Dagh-e-Gham Charagh-e-Seena Hai

Rooh Ko Saman-e-Zeenat Aah Ka Aeena Hai

Hadsat-e-Gham Se Hai Insan Ki Fitrat Ko Kamal

Ghazah Hai Aaeena-e-Dil Ke Liye Gard-e-Malal

Gham Jawani Ko Jaga Deta Hai Lutf-e-Khawab Se

Saaz Ye Baidar Hota Hai Issi Mazrab Se

Tair-e-Dil Ke Liye Gham Shehpar-e-Parwaz Hai

Raaz Hai Insan Ka Dil, Gham Inkashaf-e-Raaz Hai

Gham Nahin Gham, Rooh Ka Ek Naghma-e-Khamosh Hai

Jo Surood-e-Barbat-e-Hasti Se Hum Aghosh Hai

Shaam Jis Ki Ashnaye Naala-e-‘Ya Rab’ Nahin

Jalwa Pera Jis Ki Shab Mein Ashak Ke Kokab Nahin

Jis Ka Jaam-e-Dil Shikast-e-Gham Se Hai Na-Ashna

Jo Sada Mast-e-Sharab-e-Aysh-o-Ishrat Hi Raha

Hath Jis Gulcheen Ka Hai Mehfooz Nauk-e-Khar Se

Ishq Jis Ka Be Khabar Hai Hijar Ke Azaar Se

Kulfat-e-Gham Gharche Uss Ke Rouz-o-Shab Se Door Hai

Zindagi Ka Raaz Uss Ki Ankh Se Mastoor Hai

Ae Ke Nazm-e-Dehr Ka Idraak Hai Hasil Tujhe

Kyun Na Asan Ho Gham-o-Andoh Ki Manzil Tujhe

Ha Abad Ke Nuskha-e-Dairina Ki Tamheed Ishq

Aqal-e-Insani Hai Fani, Zinda-e-Javaid Ishq

Ishq Ke Khursheed Se Sham-e-Ajal Sharminda Hai

Ishq Souz-e-Zindagi Hai , Ta-Abad Paeenda Hai

Rikhsat-e-Mehboob Ka Maqsad Fana Hota Agar

Josh-e-Ulfat Bhi Dil-e-Ashiq Se Kar Jata Safar

Ishq Kuch Mehboob Ke Merne Se Mar Jata Nahin

Rooh Mein Gham Ban Ke Rehta Hai, Magar Jata Nahin

Hai Baqaye Ishq Se Paida Baqa Mehboob Ki

Zindagaani Hai Adam Na-Ashna Mehboob Ki

Ati Hai Naddi Jabeen-e-Koh Se Gati Huwi

Asman Ke Taeeron Ko Naghma Sikhlati Huwi

Aaeena Roshan Hai Uss Ka Soorat-e-Rukhsar-e-Hoor

Gir Ke Wadi Ki Chatanon Par Ye Ho Jata Hai Choor

Nehr Jo Thi, Uss Ke Gohar Pyare Pyare Ban Gye

Yani Uss Uftad Se Pani Ke Tare Ban Gye

Jooye Seemab Rawan Phat Kar Preshan Ho Gyi

Muztarib Boondon Ki Ek Dunya Namayan Ho Gyi

Hijar, In Qatron Ko Lekin Wasal Ki Taleem Hai

Do Qadam Par Phir Wohi Joo Misl-e-Taar-e-Seem

Aik Asliat Mein Hai Nehr-e-Rawan-e-Zindagi

Gir Ke Riffat Se Hajoom-e-Noo-e-Insan Ban Gayi

Pasti -e-Alam Mein Milne Ko Juda Hote Hain Hum

Aarzi Furqat Ko Dayem Jaan Kar Rote Hain Hum

Merne Wale Merte Hain Lekin Fana Hote Nahin

Ye Haqiqat Mein Kabhi Hum Se Juda Hote Nahin

Aqal Jis Dam Dehr Ki Aafaat Mein Mehsoor Ho

Ya Jawani Ki Andheri Raat Mein Mastoor Ho

Daman-e-Dil Ban Gya Ho Razmgah-e-Khair-o-Shar

Rah Ki Zulmat Se Ho Mushkil Sooye Manzil Safar

Khizr-e-Himmat Ho Gya Ho Arzoo Se Gosha-Geer

Fikr Jab Aajiz Ho Aur Khamosh Awaz-e-Zameer

Wadi-e-Hasti Mein Koi Hum Safar Tak Bhi Na Ho

Jadoo Dikhlane Ko Jugnoo Ka Sharar Tak Bhi Na Ho

Merne Walon Ki Jabeen Roshan Hai Iss Zulmat Mein

Jis Tarah Chamakte Hain Andheri Raat Mein